YOSHUA 11:20 - Bibilia Kui Mdedie fo Kimochi

²⁰ Kii kidi nyi Mndumii-Ruwa amonyi aleumiṟa mrima ya wandu wa kundu wahende irumatso. Na wudo Mndumii-Ruwa alewawasa Mose.

YOSHUA 11:20 ပူးပေါင်းရင်းမြစ်များ

2SAMWELI 17:14

Kyasia, Absalomu na wandu wake wa Israeli wakahamba, “Wulaanyi wo Hushai wuwucha kota wulya wo Ahithofeli; kipfa Ruwa naweteṟie ifunja wulaanyi wucha wo Ahithofeli kundu naende mawicho huya Absalomu.”

1WAMANGI 12:15

Kyasia, Mangi alaadanyie wandu kipfa kindo ki kiwukie ko Mndumii, kundu kihoye idedo lilya Mndumii alewia Yeroboamu mana o Nebathi kui dumbu lya mwikimbi Ahiya Mshiloni.

2MBONYI TSA MAHERI 22:7

Kyaindi kyaṟo kyo kiwekiteṟie nyi Mndumii-Ruwa kundu Ahazia narumatso kechisenguda Yoramu. Kipfa kiheri aleshikapfo, nalehendesana na Yoramu ikapana na Yehu mana o Nimshi, mndu sa Mndumii-Ruwa awemsambuṟie narumatse luwa lya Ahabu.

2MBONYI TSA MAHERI 25:16

Kyaindi ma mwikimbi ulya alamemarisa ideda, Amazia kamdumbuo olimi kambia, “Tsia sau! Nyi indi lulewika mkundana na mangi? Nokundi iwooho?” Mwikimbi ulya katsia amemarisa imbia, “Wulalu njiichi ke Ruwa ameteṟia ikurumatsa, kipfa kya ishi shose omewuta, na omeleha iindia madedo hako ha wuikimbi.”

IWUKA 10:1

Mndumii-Ruwa kawia Mose, “Ida na ko Farao; kyamba inyi njechiumiṟa mrimafo foke, kundu njiidime iloṟa shichano shako kiidi kyawo;

IWUKA 11:10

Mose na Aroni walewuta ṟihotso tsose oshangunyi lo Farao; Mndumii-Ruwa kaumiṟa mrima fo Farao, nalainenge wana wa Waisraeli wawuke kulya orukenyi loke.

IWUKA 14:17

Na inyi, njechiumiṟa mrima ya Wamisri, nawo wechimuosha waide napfo, na inyi njechikuwonyia, kiṟumi ko Farao, na ko itorito lyake lyose ko makari hake na ko walya wake wekedoya frasi.

IWUKA 14:4

Na inyi njechiumiṟa mrima fo Farao, nao namuoshe numa, inyi njii Mndumii-Ruwa.” Kyasia wakawuta wado.

IWUKA 14:8

Mndumii-Ruwa kahaluo mrima fo Farao mangi ya Misri fukauma, nao kaosha wana wa Waisraeli; kipfa wana wa Waisraeli walewukapfo kui wutimbiri.

IWUKA 4:21

Mndumii-Ruwa kawia Mose, “Mandi ochishika Misri, ambuya nowute ṟiho tsilya tsose oshangunyi lo Farao, tsilya njiletsiwika owokonyi lopfo; kyaindi njechiumiṟa ngoo yo yake, nao echiinenga momu wanduwo wakuhendiepfo.

IWUKA 9:12

Mndumii-Ruwa kaumiṟa mrima fo Farao, nalawaadanyie, na chando Mndumii-Ruwa awewie Mose.

IWUKA 9:16

kyaindi, njilekuhoṟotsa iyo kipfa kya iki, kundu njikuloṟe wuidimi woko, na kingise ke rina lyako, lihambo wuyanenyi kose.

YESAYA 14:24

Mndumii o Matoṟito nalya nyamu, kechihamba, “Nyi kya lohi na pata chandu njiweteseheṟie, nyi wudo kechiwa; na chandu mbekusirie nyi wudo kechiwa, na kechiwutika;

YESAYA 34:2

Kipfa Mndumii nasuo na iwado nyi nyashi huya wandu wa mkambo wose, na nyashi njiwawo huya mamiingi fo wamesa wake wose; nawarumatsie piu, nawawutie wahende ishinjo.

WAROMA 9:18

Kyasia ng'u Ruwa nekesaṟia icho ose akunda imsaṟia; ichu amdumbuya kyemumiṟa nyi aimumiṟa.

NGUMBUO YA MAWAWASO 2:30

“Kyaindi Sihoni, mangi ya Heshboni, nalaluinenge momu fokuidia orukenyi loke. Mndumii-Ruwa, Ruwa onu kamnenga mdo muumu na orikiki lo mrimenyi, kundu lumbinge na iduo oruka loke ilu luichiliapfo mṟasa inu.

NGUMBUO YA MAWAWASO 7:16

Kombetsenyi orio mkambofo fose Mndumii-Ruwa, Ruwa onu echifuwika mawokonyi hanu, manya mulafusaṟie. Mulaindie maruwa hawo, kipfa kindo kya mbaṟi ii kechimuwia mdeho mmbicho.

WACHILI 14:4

Wafee wake walemanya ke nyi wudi Mndumii-Ruwa aweachikie keendie Wafilisti mtsitsionyi kipfa maheri ho Wafilisti waweikolonyie Waisraeli.

1SAMWELI 2:25

Mndu kadekio odoe, neidima iterewio ko Mndumii - Ruwa, kundu Ruwa namhooṟie. Kyaindi mndu kadekio Mndumii-Ruwa nyiu eidima imterewia mhooṟie.” Kyaindi wanawo waleadanyia ndeawopfo, kipfa Mndumii-Ruwa awemedumbuo kya iwawaaha.