YOSHUA 11:11 - Bibilia Kui Mdedie fo Kimochi

¹¹ Lyefurumia karumatsa mṟi fulya fo Hazori ko modo, kawewaaha wandu wose wakeri kulya mṟinyi, manya alatsuhaṟe pfo manya mndu umu.

YOSHUA 11:11 ပူးပေါင်းရင်းမြစ်များ

NGUMBUO YA MAWAWASO 20:16

Kyaindi kiidi kya mṟi ya orukalu Mndumii-Ruwa, Ruwa onu, aimuinenga, mulatsuhaṟe kindo kyose.

NGUMBUO YA MAWAWASO 3:7

Kyaindi shuma shose na masaa luleshiduo.

NGUMBUO YA MAWAWASO 7:2

Mndumii-Ruwa, Ruwa onu kamemaa iwika mkamboyo ingi mawokonyi hanu, mukamewinga wanduwo na iwarumatsa nakamu, manya mulawike mkundana fose nawo, manya mulawaichio wukiwa.

YOSHUA 10:40

Kyasia Yoshua nyi alewada oruka lulya lose, kawinga wamangi walya wawei mafumvuhu, ora lo Negebu, na oruka luwei mapichinyi na mpiṟimkonyi. Aleda kindo kyose kiwei na moopfo, nyi alerumatsa orio kindo chandu Mndumii-Ruwa, Ruwa o Israeli alembawawasa.

YOSHUA 6:21

Kyasia wakarumatsa orio kindo kiwei kulya mṟinyi wakawaha ko oshu wasoṟo na waka, rika na wameku, mbe, machondi na nzoi.

YOSHUA 6:24

Kii kidi wakakoṟa mṟi fulya fo Yeriko na modo na orio kindo kiweipfo. Kyaindi fesa, sahabu, shindo shi shisungusie ko aṟeṟa na menya isho nyi shilesanyio shikawiko kisenyi kya mba ya Mndumii-Ruwa.