YONA 4:8 - Bibilia Kui Mdedie fo Kimochi

⁸ Nalyong'u kiheri kya mfiri mnengeṟi fomedo huye, Ruwa kadika otanu luwuka ora lo ngamenyi lurie ngumia ing'anyi, mnengeṟi fukalasa Yona oo mdohu itane auma, kalanga opfu kahamba, “Nanga ngakupfiia kota ikaa na moo.”

YONA 4:8 ပူးပေါင်းရင်းမြစ်များ

MAWOOKIONYI 41:6

Na ambuya-se mahaa mfungade masise, hamaumiṟe nyi otanu lo ora lo ngamenyi hakakumbia numa yaho.

1WAMANGI 19:4

Nao kachumia ohendo lo mfiri puti kaafukia nuka ya msanga. Kyasia kashika handu kadamia wanda ya ikidi lya mretemu. Kalanga opfu kahamba, “Kyashika, njiidima se-pfo. Hoi Mndumii-Ruwa, kunjiwutie moo foko. Inyi njii mcha kota wandie wako-pfo.”

1WAMANGI 21:4

Kyasia Ahabu kahenda kanyi koke, ai na mrima mlemeri, aichuo nyashi, kipfa kya idedo lilya Nabothi Myezreli alemmbia ke “Njechikuinenga kyoṟa kya wandee wako pfo.” Kalaa kitaṟenyi kyake kahalutsa kyaamu kyake kaleha ilya.

YOBU 2:10

Yobu kahaluo mka oke kambia, “Iyo nyi ukeri ideda cha umu o waka watondo. Luleambia shicha shifoi shiwukie ko Ruwa, kitewe lulehe na ishi shiwicho shiwukie koke nyi ki?” Kiidi kya shindo sho-shose, Yobu alededa wodekio Ruwa-pfo.

YOBU 7:15

Mahio hako hakalanga njikuotsuo, na isambuṟa opfu kota mawawio ho hako.

SHIIMBO SHA DAWIDI 121:6

Mnengeṟi fochikuwaaya mfiripfo, Manya meri kiheri kya kiopfo.

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

KOHELETI 7:9

Kulakambiṟe isuo mrimenyi fopfo, Kipfa nyashi ya tondo ii kipetehu kyake.

SHIIMBO SHA SOLOMONI 1:6

Mulanjiṟise kipfa kya wuiwu woko, kipfa mnengeṟi fulenjikoṟa, wana wa wama wako walesukio kyako, wakanjihaluo mringi o madema hawo ha msabibu. Kyaindi dema lyako njimonyi njilaliringe.

YESAYA 49:10

Wechiwado nyi njaa ma nyodapfo; wechiwona ngumia ma mbaṟipfo kipfa ichu mowasaṟia nechiwateteṟa.

EZEKIELI 19:12

Kyaindi msabibufu fukahenda ikuṟuyo, fukaoloka wanda otanu lukafunjafunja, maṟamba halya hafo na iumiṟa ndunda tsafo daa, nahong'u modo fukahenda ifukoṟa.

HOSEA 13:15

“Manya kokoya Efraimu awechioṟa se cha maṟa, inyi Mndumii-Ruwa njechiende otanu lo ora lo ngamenyi, otanu sa lochiidia ipfo nuka, na maṟungu ha mṟinga haumie, soka tsake natso tsiweumiṟia mṟinga, shioṟa shake shose sha wuhuru wung'anyi nyi shechidao.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

YONA 1:17

Mndumii kateseheṟa ikunga ling'anyi kundu limeṟe Yona, nao Yona kakaa ndewunyi ya ikunga lilya mkonu iṟaṟu kio na mfiri.

YONA 1:4

Indi Ruwa kadika otanu sa lwapfinya kulya ipalyipalyinyi, kukaamka kiwiriwiri king'anyi mṟinga fukafohika mnu, ngalawa iya ikawa cha ili ikundi ifunjika.

YONA 4:3

Wulalu Hoi Mndumii, ngakuterewa, ukunjiwutie moo foko; kipfa nanga inyi ngapfa kota njekaa na moo.”

YONA 4:9

Ruwa kawesa Yona, “Ngesa nyi nowuta kicha iduiko nyi nyashi kipfa kya ishenge?” Nao kamhaluo, “Ee njiwuta kicha na isuo mtano ngalanga ipfa.”

MATAYO 20:12

Wakahamba, “Ashika-wo iwo wafurumya na saa imu tupu waṟundaho. Na iyo kowuya iwang'ang'anyisha naso. Naso nyi lotsinda lichikarishya mawina ha mfiri puti na mu fo.”

OTAMBAHALUO LO YOHANE 3:19

Iwa njiwakundi nyi njekewatutuma na iwatoṟisha. Aka wulalu udumbuye, wanza mrima lekena na manyamaṟo hapfo.

OTAMBAHALUO LO YOHANE 7:16

Wo wechirohyo-se nyi njaa manya nyi nyoda-sepfo. Manya mnengeṟi manya muu mliwe fowaa fochiwakoṟa-sepfo.

1SAMWELI 3:18

Kyasia, Samweli kaongoya Eli shose alewio, nalamṟikyeho manya kindo. Naho Eli kahamba, “O nyio Mndumii-Ruwa; nakeawutsia ikyo kyose awonyi nyi kii kicha koke.”