YONA 3:4 - Bibilia Kui Mdedie fo Kimochi

⁴ Yona kawoka iida na kulya mṟinyi mfiri fumu mfi, kakoṟoṟoma kechihamba, “Kukamsia mfiri makumi haana Niniwe fochirumatso.”

YONA 3:4 ပူးပေါင်းရင်းမြစ်များ

2WAMANGI 20:1

Mandi ho Hezekia kaluo kashika kufui na ipfa. Naalyo mwikimbi Yesaya mana o Amosi kamhendia kambia, “Mndumii-Ruwa nahamba adi, ‘Achikia mbonyi tsa mba yapfo necha kipfa na kikaki nochipfa ukiapfo.’”

2WAMANGI 20:6

Njechikuengeṟia maka ikumi na itanu (15) yekaa na moo. Njechikukiṟa iyo hamu na mṟi fu mawokonyi ha mangi o Ashuru. Nechiringia mṟi fu kipfa kya wuitoṟi woko inyi na kipfa kya mṟundi oko Dawidi.”

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

YEREMIA 42:10

Kokoya mochikaa kiidi kya oruka lu, kyasia njechimuwika, ma njechimuwunduopfo, njechimuwaya ma njechimukuṟuopfo; kipfa njechiilacha mahiyo kya mawicho halya njilemuwutia.

YONA 3:10

Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

MATAYO 12:41

Nyi wandu wa kulya Niniwe wechikaa wahoṟoke alya kya moondu fofurumya kyanduyonyi handu hamu na mbaṟi i ya wandu waweiwutya owingo kipfa lyandi waledumbuya weongoyo nyi Yona. Na iki kii iya nyikinene kikaida Yona.

LUKA 11:30

Chakipfa chando Yona alewa afano lo wandu wa Niniwe, na wudo na Mana o mndu echiwiia kishari-ki ofano.

LUKA 11:32

Wandu walya wa Nyinyiwe nyi wechikaa wahoṟoke mondunyi hamu na kishari-ki, wakiwinge; kipfa mrima yawo iletau ikamanya mwongye fo Yona, na kya ngoseṟa kota Yona aiki!”

NGUMBUO YA MAWAWASO 18:22

Kokoya mwikimbi ahamba kindo e wai nyi kui rina lya Mndumii-Ruwa, na kindokyo kilawutike ang'u kilawe kya lohi; kindokyo ki kihambe nyi Mndumii-Ruwapfo; nyi mwikimbi akuhambia kui wutondo woke, nanyo mulaowesho nyi kindokyo.’”