YONA 3:10 - Bibilia Kui Mdedie fo Kimochi

¹⁰ Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

YONA 3:10 ပူးပေါင်းရင်းမြစ်များ

1MBONYI TSA MAHERI 21:15

Numa Ruwa kadika Malaika oke narumatse mṟi fo Yerusalemu. Kyasia, Ruwa kawonyia Waisraeli walya osaṟio, kawia malaika ulya o urumatso, “Horoka! Makulawakape se. Wamewawio kishikie!” Malaika ulya nawehoṟoki kufui na handu hekapia Ngano ko Arauna, Myebusi.

IWUKA 32:14

Na Mndumii-Ruwa kailacha wuwicho wulya alehamba ke nechiwutia wandu wake.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

YEREMIA 18:7

Kiheri kyose njechionguo mbonyi ko mkambo na mbonyi tsa wumangi ikuṟuo na ifunja na irumatsa.

YEREMIA 18:8

Kokoya mkambo fulya njilefuhamba fukahaluka na ida mawicho hafo njechiilacha mahio hako njilechiwuta chando mbekusirie iwuta.

YEREMIA 36:3

Kofia wandu wa Yuda wechiicho kya mawicho halya hose njikusirie iwawutia, kundu orio umu nade ohendo loke luwicho, na inyi njiidime iwahoṟia madeko hawo na wunyamaṟi wowo.”

YEREMIA 42:10

Kokoya mochikaa kiidi kya oruka lu, kyasia njechimuwika, ma njechimuwunduopfo, njechimuwaya ma njechimukuṟuopfo; kipfa njechiilacha mahiyo kya mawicho halya njilemuwutia.

YOELI 2:13

Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

AMOSI 7:3

Mndumii kailacha mahiyo ha kindo kilya awerie iwuta kahamba njechiwutasepfo nyi Mndumii ahamba.

AMOSI 7:6

Mndumii kaweda-se na ilyi kahamba mbonyi tsi njechiwutasepfo, nyi Mndumii ahamba.

YONA 4:11

Ngesa kiwenjiwaṟi isaṟia Niniwe mṟi fu fu ng'anyi fuwode wandu washike ngoseṟa ya shiku ihana na makumi hawi (120,000), walechiidima itambahaluo kiidi kya owoko lowo lo kulyo ang'u owoko lowo lo kumoso, ngoseṟa kuwode shuuma shifoi mnu?”

YONA 4:2

Katerewa Mndumii kahamba ngakuterewa, “Hoi Mndumii; chi wudo njilehamba lilya mbekukerie orukenyi loko? Nkyo kitewe ndedichia Tarshishi, kipfa njiichi ke iyo nyi Ruwa menyi osaṟio, nyi ui mhoo, uwode nyashi ya kitusu pfo, nokeilacha mahiyo na ihooṟia wandu.

LUKA 11:32

Wandu walya wa Nyinyiwe nyi wechikaa wahoṟoke mondunyi hamu na kishari-ki, wakiwinge; kipfa mrima yawo iletau ikamanya mwongye fo Yona, na kya ngoseṟa kota Yona aiki!”

LUKA 15:20

Naalyo kakure kahenda kulya ko ndeye. Akeri handu sa haleshe alameshika, ndee kambona, kamwichio wukiwa, kakambia, “Kamchunguṟia nzingonyi, wakahekiana momu.