YONA 2:2 - Bibilia Kui Mdedie fo Kimochi

² “Kahamba, ‘Njilefihiṟia Mndumii kipfa kya ngataṟa yako, Nao kanjiidikia; Ngaterewa njii makidihawi ha ko wapfu, Na iyo koicho ṟu lyako.

YONA 2:2 ပူးပေါင်းရင်းမြစ်များ

2MBONYI TSA MAHERI 33:12

Kiheri awekeri kiidi kya mawina, naleterewa Mndumii-Ruwa, Ruwa oke, kakunyiṟa mnu oshangunyi lo Ruwa o wasahuye wake.

SHIIMBO SHA DAWIDI 116:3

Shiwoho sha ko wapfu shilenjioṟowia, Wukiwa wo ko waṟumu wukanjihoya. Njilewona wukiwa na fowa;

SHIIMBO SHA DAWIDI 120:1

Kiidi kya wukiwa woko njilefihiṟia Mndumii, nao kanjiidikia.

SHIIMBO SHA DAWIDI 16:10

Na njiweichi ochinjilekia njideke pfo, Manya ochida mcha opfo nanyamaṟikye pfo.

SHIIMBO SHA DAWIDI 22:24

Kipfa alepiṟa wukiwa wo moliso wukiwapfo, Manya alesukyo kyawo pfo; Ma alewoshya kyamu kyake pfo, Kiheri alemfihiṟya nalemwicho.

SHIIMBO SHA DAWIDI 34:6

Mkiwa-chu nalelaha, Mndumii kaicho, kamkiṟa mawina hake hose.

SHIIMBO SHA DAWIDI 4:1

Hoi Ruwa o wukilohi woko, unjiidikye wo matika njikeri ilaha; Unjitarame kiheri kya kiwi kyako; unjisaṟie na iicho kiterewo kyako.

SHIIMBO SHA DAWIDI 61:2

Wokia mtsitsionyi fo oruka, njechikufuhia na ilehela mrima, unjisongoye ihohu lya iṟaṟa njilechiidima ilido.

SHIIMBO SHA DAWIDI 65:2

Iyo okeicho iterewa, wose Wawode mbihu wechikuchea.

SHIIMBO SHA DAWIDI 86:13

Kyamba njosaṟio tsapfo koko inyi tsifoi mnu; Kuleashuo mrima foko ko wapfu.

YESAYA 14:9

Ko wapfu, kokangaṟika kipfa kyapfo, Kundu kukuambie ili ochicha. Nechiamtsa wapfie kipfa kyapfo, Ee, wose wang'anyi wuyanenyi; nekeira wamangi wose wa wandu, Wawuke njoloṟikenyi tsawo tsa wuitoṟi.

SHILIO 3:55

Njikeri kulya wanda ya ṟungu lilya, ngakufihiṟia hoi Mndumii oko.

EZEKIELI 26:20

Ambuya njikeri ihenda ikusoṟowitsa ṟungunyi uhende ilungana na walya wakeripfo, walya wawekeri wuyanenyi ili mboko, nochihenda ikaapfo ukeri msami mlungana kyamba kulawode mndu echikaa se orukenyi lopfo manya ochiidima iwada dembo kiidi kya wandu wai na moo mlungana.

EZEKIELI 31:14

Iki nyi kilewutika kudo kundu orio ikidi likeri handu kuwode mṟinga lilaleyese na ikuiria huye ya mapuchi. Ikidi lyose lyekenoso lilakoyese wuleshi wo mbaṟi yo; kyamba mtsitsionyi fo orio kindo nyi opfu, manya wandu nawo; wose nyi wechisokia handu ha wapfu.

MATAYO 12:40

Cha kipfa Yona chando awekeri kulya ndewunyi ya mkunga fulya handu ha mfiri iṟaṟu na shio shiṟaṟu, na Manomndu na wudo echikaa wusunyi wo oruka handu ha mfiri iṟaṟu na shio shiṟaṟu.

LUKA 11:10

Kipfa orio moterewa nyi echiinengo, na mopfula kawewona, na mokapakapa mongo kawepfunguyo.

LUKA 22:44

Nao kakaa kelimbana na opfu, indi kaengeṟa mnu iterewa; itane mbiṟuko foke fowa cha matacha ha samu hetonyiikia wanda.]

MAWUTO HA WASU 2:27

Ke ochilekya moo foko fukae fuu mshinge kulya shipfo, manya ochida mwele opfo nakoye inyamaṟikapfo.

WAEBRANIA 5:7

Nao mafiri halya awei nyiamenyi tsake nyi aledasya ichu aleidima imletsa opfu shiterewo na sheeṟeṟo na shifuhio echimlilia malilio ha pfinya na imtonyitsya mchenyeṟe kashika iidikyo na iletso wuowu wuwembode.

1SAMWELI 1:16

Kulanjihaluo cha mndumka makinango alaichi kindo. Kiheriki kyose njiwekeri ihamba mawukiwa na matuuro hako.”

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.