YONA 1:4 - Bibilia Kui Mdedie fo Kimochi

⁴ Indi Ruwa kadika otanu sa lwapfinya kulya ipalyipalyinyi, kukaamka kiwiriwiri king'anyi mṟinga fukafohika mnu, ngalawa iya ikawa cha ili ikundi ifunjika.

YONA 1:4 ပူးပေါင်းရင်းမြစ်များ

SHIIMBO SHA DAWIDI 135:6

Mndumii nalewika orio kindo kilemchihiṟa. Ruwehu na orukenyi. Ipalyipalyinyi na shi ya ipalyipalyi shose.

SHIIMBO SHA DAWIDI 135:7

Nyio ekedosa mmeṟa kuwuka mtsitsionyi fo oruka, Nekeinenga mvuo mbawa, kaende otanu kuwuka kimaenyi kyalo.

SHIIMBO SHA DAWIDI 148:8

Modo na mvuo ya manzaho, mṟinga fo maho na omunyi, Otanu lo kiwiṟi lokewika idedo lyake.

IWUKA 10:13

Kyasia Mose kahoṟuo ndichi iya yake huya oruka lo Misri, na Mndumii-Ruwa kaende otanu kuwuka ora lo ngamenyi huya oruka, mkonu puti, na kio taṟaṟaa; koikitambaṟuka otanu lulya lo ora lo ngamenyi lukaende nzihe.

IWUKA 10:19

Mndumii-Ruwa kaembeṟutsa otanu lo ora lo kyukanyi lurie pfinya ing'anyi, sa luleira nzihe tsilya lukatsiduo ipalyipalyinyi lya Shamu; kulatsuhae nzihe maimu kulya orukenyi lo Misri.

IWUKA 14:21

Mose kahoṟuo owoko loke huya ipalyipalyi; Mndumii-Ruwa katana ipalyipalyi lyiwuye na numa kui otanu sa luapfinya luwuka ora lo ngamenyi, kio taṟaṟaa, katana handu hahadutsu kulya ipalyipalyinyi, mṟinga fukahawukana.

IWUKA 15:10

Kuledihina kui otanu lopfo, ipalyipalyi lyikawapfinyikia. Wakasoṟowia cha mboro kiidi kya mṟinga fufoi.

YEREMIA 51:16

Ili adeda mṟinga fukadedemisha ruwehu, nechidosa mtima fudo mṟasenyi ya oruka. Nekewika mbaṟuko luwaṟuo kiheri kya mvuo, kawiwita otanu luwuke kikumbinyi kyalo.

AMOSI 4:13

Kipfa, ambuya, icho awikye mafumvu na iumba otanu, na iinenga mndu o wandu makusaṟo hake, awikie mfiri na kio, kawechuma wuyanawu handu hakuiriye; Mndumii, Ruwa menyi matorito nlyo rina lyake.

MAITALA 11:31

Lyefurumia Mndumii-Ruwa peṟesengu kawiwita otanu lo oweṟe, lukaende makura kuwuka ipalyipalyinyi tsikalaa wotengetia handu hesia moo handu ha mchumie fo mfiri fumu tsikakuwumbia wanda kufui meta imu wuleshe wodo huye.