YOHANE 8:55 - Bibilia Kui Mdedie fo Kimochi

⁵⁵ Ma mulalememmanye. Kyaindi inyi njimwichi. Kokoya ngahamba njimwichipfo nyi njiwechiwa mowongo chanyo. Kya indi njimwichi na idedo lii lyake lyo njiliringa.

YOHANE 8:55 ပူးပေါင်းရင်းမြစ်များ

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

YEREMIA 9:3

Wekelema olimi lowo cha wuda, kundu wahambe wongo, nawo wawode pfinya kiidi kya oruka indi chi kiidi kya wuhendeli-pfo; kipfa wo waengeṟa wuwicho kiidi kya wuwicho, ma wanjiichi inyi-pfo.” Mndumii ahamba.

HOSEA 5:4

Mawuto hawo nyi hawaima walaidime iwuuya Mndumii-Ruwa owo, Mrima yawo nyi iichuo wuṟuhui, wanjiichi inyi Mndumii-Ruwa pfo.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 10:15

Chando nao Wande anjiichi inyi na inyi njiweichi Wande, Na inyi ngarekya machondi moo.

YOHANE 15:10

Kokoya moringa mawawaso ho hako nalyong'u mochikaa mukuwode na ikunda lyo lyako. Chando na inyi njileringa mawawaso ha Wande chu oko ngawekaa njikuwode na ikunda lyo lyake.

YOHANE 15:21

Kya indi ishi shose wechimuwutya nyi kipfa kya rina lyako inyi, kipfa walaichi ichu alenjiduma.

YOHANE 16:3

Na kyatewa wawuta wado nyi kipfa walaichi ma Wande ma inyi walanjiichi.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 6:46

Chi kikeri cha ili kwipfo mndu alemewona Wandepfo, shila nyi ichu awukie ko Ruwa, nyio alemewona Wande.

YOHANE 8:19

Nahong'u wakambia, “Wande chu opfo nyi ku aya?” Yesu kahalwo, “Inyi munjiichipfo ma Wande mumwichi-pfo. Kima muwenjiichi inyi na Wande oko na muwemmanya da.”

YOHANE 8:29

Na ichu alenjiduma nyi ahendesanyi na inyi. Ma anjida njikae njimonyi-pfo kipfa nyi njiwuta shichihianyi nao mfiri yose.”

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

YOHANE 8:51

Nyi lohi kya lohi ngamuwia, Mndu awada madedoho hako echipfa ma indiipfo.”

YOHANE 8:52

Wayuda walya wakambia, “Wulalu lomanyang'u ke uwodo oṟuṟe! Abrahamu nalepfa na waikimbi wakawepfo da; na iyo kohamba, ‘Ichu echikuwada na idedo lyapfo echipfa ma indipfo.

MAWUTO HA WASU 17:23

Lyandi mbeidaida kunu konu njechiambuya hando hanu hewikaho wuindi ndekoya rasyonyi lii liṟehyeho ke Ili lii lya Ruwa lilaichio. Kyasiang'u ichu nyo mokembikya wuindi ma mulamwichi rina nyio ichu njimwongoya.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

1YOHANE 1:6

Kokoya luhambie ke luwode kita nao, indi luhendekye hando hai meema nyi luihamba wongo na kilya kii lohi luikiwutapfo.

1YOHANE 2:22

Nyi o ku ai mowongo chila ichu ai mokana Yesu ai Kristo? Nao nyio iima-kristo-chu mokana Wande na Mana.

1YOHANE 2:4

Mndu kahamba, “Njimwichi,” na mawawaso halya hake alahahendelye, nyi ai mowongo, na kilya kii-lohi kikeri naopfo.

1YOHANE 5:10

Moidikya Mana o Ruwa o akuwode na kiṟingishyo kilya kii nao. Mndu ada alaidikya Ruwa o amaa imtana mowongo, kyamba alaweidikya kiṟingishyo kilya Ruwa alemṟingishya kya Manoke.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.