YOHANE 8:44 - Bibilia Kui Mdedie fo Kimochi

⁴⁴ Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

YOHANE 8:44 ပူးပေါင်းရင်းမြစ်များ

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

1WAMANGI 22:22

Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

1MBONYI TSA MAHERI 21:1

Satana kekikunda iendie Waisraeli wukiwa, katewa Dawidi naitale wandu wa Israeli na Yuda.

YOBU 1:11

Indi wulalu, kehoṟuo owoko lopfo nopaaye masaa hake uwone chandu echilekana na iyo na ikuruma na pata.”

MATAYO 12:34

Nyo mui malea ha njoka, mumanye ideda kindo kicha, mui wawicho? Kifa ikyo kiichuo mrimenyi na dumbu lyo nakyo lyechihamba.

MATAYO 13:15

Nyi ili mrima ya wandu wa oruka-lu ii mumiṟe. Na madu hawo hakawa nyi malemeri yadanya Na meso hawo nyi watsingiṟi. Nawo kundo walewona na meso ma iicho na madu, ma imanya kindo na mrima wawone wewuya na numa, na inyi njiche iwakiṟa.’

MATAYO 13:38

Na dema nyi wuyana-wu. Na mambuṟo-ho nyi wana wa ichu mbicho.

YOHANE 6:70

Yesu kawahalwo, “A chio inyi njilemusambuṟa nyo ikumi na wawi? Na ipfo kiidi kyanu umuho kawuya iwa mkumbi?”

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

YOHANE 8:38

Inyi kilya njiwonyi ipfo ko Wande nkyo njikeri ihamba. Nanyo kilya momicho kiwukye ko ndeanu nkyo muiwuta.”

YOHANE 8:41

Nyo nyi mokewuta mawuto halya halya ha waku wanu walewuta.” Wakambia, “Chi lui-wafee wa njapfo. So luwode Wande umu da nao nyio Ruwa.”

YOHANE 8:55

Ma mulalememmanye. Kyaindi inyi njimwichi. Kokoya ngahamba njimwichipfo nyi njiwechiwa mowongo chanyo. Kya indi njimwichi na idedo lii lyake lyo njiliringa.

MAWUTO HA WASU 13:10

“Iyo mndu uichuo mtambo na wuporu wose ui mana o Satana, mkituwa o wusumhanyinyi wose ulada ilemalema njia tsa Mndumii tsii njihoṟotsa

MAWUTO HA WASU 24:9

Wayuda nawo wakakusanza nao wehamba ke na wudo shikeri.

MAWUTO HA WASU 5:3

Petro kambia, “lyo Ananyia, nyi kili Satana akuichwo ipfo ngoonyi yapfo icha iwia Mumuyo Mwele wongo na iṟoṟokwo wuhuru wo dema lyo maata?

2 WAKORINTO 11:3

Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

1PETRO 5:8

Kuotoyenyi, mulae chowe. Mkituwa onu Satana aitengetatengeta cha miiso yerunduma ai mopfula mndu aidima immeṟa.

2PETRO 2:4

Kyamba ma Wasu walya wa ruwehu walemdekyo Ruwa alewahoṟia-pfo. Kya indi kawakumbalya modonyi fo Gehena hando hadekye wanda na kamu hashingikye meema puti wakae-pfo wai wapfunge itane weshika yanduyo.

1YOHANE 1:8

Kokoya lokehamba ke lulai wanyamaṟi nyi lokulemba luwenyi na kilya kii-lohi kikeri nasopfo.

1YOHANE 2:21

Chi ngamṟehya cha ili mulaichi kilya kii-lohipfo, kya indi nyi kipfa mukiichi na kipfa orio kii-wongo kilapaṟikye ko kilya kii-lohi.

1YOHANE 2:4

Mndu kahamba, “Njimwichi,” na mawawaso halya hake alahahendelye, nyi ai mowongo, na kilya kii-lohi kikeri naopfo.

1YOHANE 3:12

Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.

1YOHANE 3:15

Orio Mndu ose mosuo manomae nyi akeri mbahi mowaha wandu. Nanyo muichi ke orio mbahi ose awode moo fo mlungana fochikaa naopfo.

YUDA 1:6

Na wasu walya walawekaa wechiwada necha wuitoṟi wowo indi wamewuka kihambenyi kyawo kya kuwoka wakada kidembo kyawo kii kyenyi Ruwa kawapfunga na mshe ilechidumbuka kewatirimiishya mwanduye fo. Mfiri fulya Menene wai-waṟingichye meema puti.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

OTAMBAHALUO LO YOHANE 9:11

Tsiwode mangi yewachilia, nyi mnene chu o ko waṟumu: Rina lyake lihambo kiebri Abadoonyi, na kigriki Apolionyi Nyi Morumatsa.