YOHANE 8:36 - Bibilia Kui Mdedie fo Kimochi

³⁶ Kokoya ichu ai Mana echimwashwo lyo-ng'u mochiwa wenyi-mkuachie.

YOHANE 8:36 ပူးပေါင်းရင်းမြစ်များ

SHIIMBO SHA DAWIDI 119:133

Noembeṟutse ndifo tsako kui idedo lyapfo, wuwicho wulache injiikolonyia.

SHIIMBO SHA DAWIDI 119:32

Njechichumia faṟa kiidi kya njia ya mawawaso hapfo. Kometambaṟuo mrima foko.

SHIIMBO SHA DAWIDI 19:13

Ima mṟundi opfo nalawute shindo sha wutimbiri Mbonyi tsa wutimbiri tsilekane na inyi. Nlyong'u njechiwa menyi wusumhanyi, Njechiwa mwele njilawode paṟi, ndawode deko lying'anyi

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 7:22

Kyamba ichu amhenda ilahyo Mndumii ai isinga nyi amba mtalae o Mndumii. Na wudo ichu amelaho ai makuachia nyi awewiia Kristo isinga.

2 WAKORINTO 3:17

Nahong'u Mndumii nyio Mumuyo cho. Na hando mumuyo o Mndumii ai o nyi hondo kuwode mkuachie.

WAGALATIA 5:1

Kristo ameluashuo wusingenyi kundu lukuachie ikuachia lya lohi. Kyo kimwenenge mukuhode, mulakilekie muwuye ipfungyo-se kilamyonyi kya wusinga.