YOHANE 7:35 - Bibilia Kui Mdedie fo Kimochi

³⁵ Nahong'u Wasongoru wa Wayuda walya wakadeda wo wenyi na wenyi, “Akawo mndu chu nyi hanga aihenda napfo naso lude lulamkoya-se? Kulako akunda ishika ko Wayuda walya wanyanyaṟikye ipfo masangenyi ha Wagriki nahendelosha-pfo Wagriki wo?

YOHANE 7:35 ပူးပေါင်းရင်းမြစ်များ

SHIIMBO SHA DAWIDI 147:2

Mndumii nyio ekewika Yerusalemu, nalesanyia walenyanyaṟika wa Israeli.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 11:12

Nao nechiira bendeṟa ya wandu wa mkambo huye, nechisanza wandu wa Israeli wai wakumbe, nechisanyia wandu wa Yuda wawerahanyikie, kuwuka njora tsiina tsa wuyana.

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 56:8

Mndumii-Ruwa, mosanyia wandu wose wai wafune kiidi kya Israeli nahamba, “Hamu na isho njechimsanyia na wengi ngoseṟa ya iwo wawei wake wawasanyie.”

SEFANIA 3:10

Kipfa wokia oruka lui kuleshe na meda ya Kushi, wekenjiterewa washiki wa wandu wako wawepaṟakanyi, wechiende shiinengo shako.

MATAYO 12:21

Na rina lyake nyi lyo wandu wa masanga wawekusihya nalyo.”

LUKA 2:32

Lya ngeela yedambuya wandu wa orio mbaṟi mbonyi; na lya kiṟumi kya wandu wapfo Israeli.”

YOHANE 12:20

Na ipfo kiidi kya wandu walya waledo na Yerusalemu wahendewikya Ruwa wuindi mkonu fulya mnene kukawekaa-pfo na Wagriki waangu.

YOHANE 7:1

Nahong'u ili numa numa Yesu naweida kulya Galilaya. Kyamba alalekunda itengeta kulya Yudaya kipfa wasongoru wa Wayuda wawekundi imbaha.

YOHANE 8:22

Wasongoru wa Wayuda wakahamba, “Kulako akundi ikuwaha Nki ili ahamba ke kundo kulya njikuhendya mochiidima ishika-ho nyopfo?”

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 11:20

Ipfo kiidi kyawo kuwepfo womi wawukye kulya Kipro na Kirene nawo wekishika kulya Antiokia wakadeda na Wagriki wakaongwo ndumi ii ya sia ya Mndumii Yesu.

MAWUTO HA WASU 14:1

Na kulya Ikonio na wudo kukahendeka, wakahenda sinagogenyi lya Wayuda wakaongwo-pfo wado, naho mamwingi sa fung'anyi fo ko Wayuda na fo Wagriki wakaidikya.

MAWUTO HA WASU 17:4

Maata-ho wakaidikya wakasanzya ora lo Paulo na Sila na Wagriki wahendeli sa wafoi na waka wa wanene chi weikenapfo.

MAWUTO HA WASU 18:4

Kyasia kawa molosha ipfo sinagogenyi orio mkonu fo Sabato kechiidiki-shaidikisha Wayuda na Wagriki.

MAWUTO HA WASU 21:21

Nawo walewio kyapfo ke nyi uilosha Wayuda wose iwo wai ipfo kiidi kya wa mbaṟi nyihenu wuṟingi woṟingya Mose kochiwawia waladine wana wawo manya walahendelye shido shi.

MAWUTO HA WASU 22:21

Nao kanjiwia, “Kuhendye kyamba inyi njechikuduma kuleshe ko wandu wa mbaṟi njiehenu.”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

1TIMOTEO 2:7

Na inyi njiimbike-ho mwongoyi oyo na msu, ngamba mlosha molosha mkambo ya wandu kui wuidiki na wo-kiilohi ngahamba njido kya lohi njilawongisha kindo.

2TIMOTEO 1:11

Kyayo Ruwa nalenjisambura inyi njiwe msu na mlosha na moedia Ndumi ii ya Sia.

YAKOBO 1:1

Inyi Yakobo njii isinga lya Ruwa na lya Mndumii Yesu Kristo ngaiṟikiṟa njoshari tsilya ikumi na tsiwi tsilee wahenunyi.

1PETRO 1:1

Inyi Petro njii msu o Yesu Kristo ngamwiṟikiṟa nyo wasambuṟe wa Ruwa wande mulee mataṟataṟa ipfo Ponto na Galatia na Kapadokia na Asia na Bitinia muipfo mui cha wahenu.