YOHANE 6:66 - Bibilia Kui Mdedie fo Kimochi

⁶⁶ Kipfa kya madedo-ha, wandu wa ipfo kiloshyonyi wafoi wakawuya na numa walakihendesane-se nao.

YOHANE 6:66 ပူးပေါင်းရင်းမြစ်များ

SEFANIA 1:6

na iwo wawewuuye numa walakioshe Mndumii, na iwo walakeshiha Mndumii, manya iwesa kyake.

MATAYO 19:22

Kyasia mndu ulya mleu ameicho ado kahenda awodo nyi fowa. Nyi ili awode shichoṟe shake shifoi.

LUKA 9:62

Na Yesu kambia, “Ma mndu amelesha owoko loke kawada kumbi lyedema na mbe, kawuya yambuya numa, nechikaa nasumhane ipfo wumanginyi wo Ruwapfo.”

YOHANE 2:2

Na Yesu nawo wawei walahe-pfo na walya wa kiloshyonyi kyake.

YOHANE 6:60

Nahong'u wa kiloshyonyi kyake wamwicho adeda ado wafoi wakahamba, “Madedo ho nyi maumu. A mndu eidima ihaicho nyi wu?”

YOHANE 6:64

Indi ipfo kiidi kyanu nyi kwipfo maata walai waidiki.” (Kyamba wuka kiwokyonyi Yesu aweichi walya walamwidikye nyi wahya na ulya echimtwaṟa nyio u.)

YOHANE 7:3

Nahong'u wanawamae wakambia, “Kure kunu nohende ishika kulya Yerusalemu kundu na wa kiloshyonyi kyapfo wawone ngata tsi tsapfo otana.

YOHANE 8:31

Nahong'u Yesu kadeda na Wayuda walya wamwidikye kahamba, “Kokoya mokaa mukuwode na dedo lyako lyo-ng'u mochiwa wa kiloshyonyi kyako wa lohi.

2TIMOTEO 1:15

Na uichi ke walya waiiya Asia walenjidicha wose waata wawo nyi Figelo na Herimogene.

2TIMOTEO 4:10

Kyamba Demasi alenjida amhenda ikunda wuyana wu wo kiwulalu kahenda Tesalonyikye. Kiresike alehenda Galatia. Tito kawehenda Dalmatia.

WAEBRANIA 10:38

“Na mosumhana oko echiwada moo fuṟukye wuidikinyi. Indi kokoya awuya numa mrima foko fochihio kyakepfo.”

1YOHANE 2:19

Nyi wammbuka kambenyi lyadu, kya indi walawepaṟikye kodu. Kyamba kima wawepaṟikye kodu wawechikaa naso. Indi kilehendeka kido kundu washike imanyika na pata ke chi wose wapaṟikye kimu nasopfo.