YOHANE 6:26 - Bibilia Kui Mdedie fo Kimochi

²⁶ Yesu kawahalwo kahamba, “Nyi lohi kya lohi ngamuwia, Kyamwenenga monjiwalya chi maṟiho halya mulewonapfo, nyi kimaduma kya mkate iya mulelya mukaihuda.

YOHANE 6:26 ပူးပေါင်းရင်းမြစ်များ

SHIIMBO SHA DAWIDI 78:37

Kyamba ngoo tsawo tsiwei sumhana naopfo; ma wawei wahendeli sumhana na mkundana fokepfo.

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 6:14

Kyasia wandu wekiwona ṟiho lilya Yesu awuta wakahamba, “Nyi kya lohi ichu nyi akeri mwikimbi ulya aimteṟye nache kunu wuyana.”

YOHANE 6:15

Kyasia Yesu kekimanya nyi icha wai wache wahende imbika mangi nao kasheṟuka, kahenda alya fumvu-hu o amonyi.

YOHANE 6:2

Mamingi fung'anyi fo wandu wakamwosha kipfa ili wandu wo walewona ṟiho alewuta tsechiṟa wandu waluo.

YOHANE 6:24

Nahong'u mamingi fulya fo wandu ili wakoya Yesu nalaiho manya wa kiloshyonyi kyake wakahenda ido alya ngalawehu tsilya wakashika kulya Kapernaumu, wechimpfula.

YOHANE 6:30

Nahong'u wakambia, “A nyi kiki otana kyeluloṟa kichano so lukiwone luwute-ho ikuidikya iyo. Nyi owika-pfo kuda ngesa?

YOHANE 6:36

Kya indi ngammaa imbia, ke nyi mulenjiwona manya mulanjiidikie.

YOHANE 6:47

Nyi lohi kya lohi ngamuwia, Ichu aidikie nyi awode moo fo mlungana.

YOHANE 6:53

Nahong'u Yesu kawawia, “Nyi lohi kya lohi ngamuwia, Mukada mulalya nyama tsa Mana chu o mndu na inyo samu yake mochikaa ma na moo fu mufuriepfo.

YOHANE 6:64

Indi ipfo kiidi kyanu nyi kwipfo maata walai waidiki.” (Kyamba wuka kiwokyonyi Yesu aweichi walya walamwidikye nyi wahya na ulya echimtwaṟa nyio u.)

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

WAFILIPI 2:21

Kyamba waiwinya wose shilya shii shawo chi shilya shii sha Kristo Yesu.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.

1TIMOTEO 6:5

na masingano ha kitsitsi ha wandu wai wafurunjie mhie waiwasoke wukilohi, nyiwo wehamba ke wuindi wulya wowa woikapa nawo mbucha.