YOHANE 5:35 - Bibilia Kui Mdedie fo Kimochi

³⁵ Yohane nyio awei cha taa yewaa yechilimika, nanyo nyi mlelanga ikukesya na saa yo ya oweṟe lulya.

YOHANE 5:35 ပူးပေါင်းရင်းမြစ်များ

2SAMWELI 21:17

Kyaindi, Abishai mana o Seruya, kahenda itarama Dawidi. Kawaha Mfilisti ulya. Kyasia wandu walya wa Dawidi wakawikia Dawidi kyasa wakahamba, “Ochihenda se shidenyi naso pfo, kundu saa ya wumangi wo Israeli ilarumisho.”

IWUKA 34:35

Wana wa Waisraeli wakawona kyamu kya Mose kiwaa sa; na Mose kawikase kindo kilya keshikia kyamu; tane aida na mba ideda nao.

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

DANIELI 12:3

Walya walaanyi wo wechiwaa cha sa ya nginehu, na iwo wesongoya wengi iwuta mecha wechiwaa cha nyenyeri mlungana na mlungana.

MATAYO 11:11

Na kya lohi ngambia, ‘Kiidi kya iwa wa wafee nyi mka kulemekure mndu ang'anyiye Yohane Mpatisipfo. Indi ichu a mtutu o wose ipfo wumangi wo Ruwa nyi ang'anyi kota o.

MATAYO 21:26

Ang'u lukahamba, ‘Nyi wandunyi nyi luwode lochiowuo wandu. Nyi kipfa wose waichi Yohane nyi mwikimbi.’

MARIKO 1:5

Wakamhendia wandu wose wa isangenyi lyose lya Yudaya na Wa Yerusalemu wose wakapatiso nyio alya medenyi fo Yordani, wechitocha njonyamaṟo tsawo.

MARIKO 6:20

Nyi kipfa Herode nyaweowoe Yohane kammanya, ke nyi mndu o wusumhanyi na mndu mwele, kamringa. Herode kakunda iadanya Yohane; kawa morohio mnu mrimenyi kiheri amemwadanyia.

LUKA 7:28

Nyi ngamuwia Ipfo ko iwo wawafee nyi waka, kuipfo mdedi o Ruwa ang'ang'anyi na Yohane-pfo. Kyaindi, ichu ai mtutu o wose ipfo wumanginyi wo Ruwa, nyi ang'anyi kota-o.”

YOHANE 6:66

Kipfa kya madedo-ha, wandu wa ipfo kiloshyonyi wafoi wakawuya na numa walakihendesane-se nao.

2PETRO 1:19

Na lukuwode tapu na idedo lya wuikimbi. Mowuta kicha mochiliwada likeri kimui kyewaa ipfo kundo kukiwa itane kukye na nyenyeṟi ya hera idoe ipfo ngoonyi tsanu.