YOHANE 5:30 - Bibilia Kui Mdedie fo Kimochi

³⁰ “Inyi ngaidima iwuta kindo kii kya chila yakopfo. Njekeanduo mondu mdumbuye fuidikyanyi na kilya ngaicho njewio nyi Wande, na mdumbuye foko nyi fusumuhanyi. Kindo njiiwalya chi kilya njikundi inyipfo; kya indi nyi kilya ichu alenjiduma akundi.

YOHANE 5:30 ပူးပေါင်းရင်းမြစ်များ

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

SHIIMBO SHA DAWIDI 96:13

Oshangunyi lo Mndumii, kipfa naicha, kyamba naicha ianduya wuyana. Nechianduya oruka kui sungusihu, na mkambo ya wandu kui wuhendeli woke.

YESAYA 28:6

Na walya weanduo mondu iinenga pfinya waringi wa mṟi.

SEFANIA 3:15

Mndumii nawutaho mwanduye fopfo, Nakumba nja wakituwa wapfo; Mangi ya Israeli, ee, Mndumii nai kiidi kyapfo; Ochiowuo-se wuwichopfo.

MATAYO 26:39

Kahenda-henda sa hatutu kaho wanda na kyamu kechiterewa kahamba, “Hoi Wande, kokoya na kechiku Ṟwia kirahu ki kiide mbele yako kinjihyame. Kya indi ma kilawe nyi chando inyi ngakunda indi kiwe chando okunda iyo.”

YOHANE 14:10

Alewo kulaidikye ke inyi njii-msanze na Wande nao Wande ai-msanze na inyi? Madedo ho ngamuwia moose manya hawukye koko njimonyipfo. Ni Wande chu ai kiidi kyako nyi awa moṟundya-ho mawuto hake.

YOHANE 17:4

Inyi njilekung'anyisha kunu wuyana; ngamwawutsia kuheo kilya unjienengye kyetana.

YOHANE 18:11

Kyasia Yesu kawia Petro, “Kewihiṟa oshu lu na ipfo kiṟandenyi. Alewo! Kirahu ki Wande anjinengye alewo nyi ohamba njide njilanyo ngesa?”

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

YOHANE 5:19

Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

YOHANE 6:38

Kipfa kyannenga ngasoka ruwehu chi kundu njiwute kya chila yakopfo kya indi kundu njihende iwuta kii kya chila ya ichu alenjiduma.

YOHANE 8:28

Nahong'u Yesu kahamba, “Mukamshika iiria Mana chu o mndu mpfondo mochimanya ke, ‘Inyi nyio;’ na imanya ke njiwode kindo ngiwuta ki kya chila yako njimonyi-pfo kyaindi ikyo Wande alenjilosha nkyo njihamba.

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

YOHANE 8:50

Manya njipfula iwada kiṟumi kyakopfo. Na kwipfo umu mokiringa, nao nyi modumbuo mondu.

WAROMA 15:3

Kyamba nao Kristo alalekulisiṟa amonyi, kya indi kiwehendekye kuu-kuṟehye, “Shiisalucho sha walya walekuisalucha iyo nyio inyi shikanjihoya.”

WAROMA 2:2

Indi luichi ke mdumbuye fulya Ruwa afudumbuya walya wewuta shindo shido nyi fuidikyanyi na kilya kii lohi.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.