YOHANE 5:21 - Bibilia Kui Mdedie fo Kimochi

²¹ Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 5:21 ပူးပေါင်းရင်းမြစ်များ

1WAMANGI 17:21

Kakuhoṟuo kaṟaṟu huye ya manachu mpfu, katerewa Mndumii kahamba, “Hoi Mndumii, Ruwa oko, ngakuterewa, moo fo mana-chu fukewuya-se hoi.”

2WAMANGI 5:7

Mangi o Israeli kekisoma paruo iya, karanduo maṟao hake kahamba, “Ngesa inyi nyi Ruwa, njiwahe na iṟutsa, itane mndu chu nanjidikie mndu njimchiṟe saka yake? Manyenyi ng'u muwone mnduchu nakundi iloyana na inyi.”

YOHANE 11:25

Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

YOHANE 6:63

Mumuyo mfo fuiwika moo, mbihufu fumenyi fochiidima kindopfo. Madedo ho ngamemuwia ho hai ha Mumuyo hakawewa na moo.

MAWUTO HA WASU 26:8

A nki ili lyasaṟo n nyo ke nyi idedo lilechiidikya ke Ruwa echiṟutsa wapfu?”

WAROMA 8:11

Indi komkooya Mumuyo o ichu aleṟutsa Yesu wapfunyi aikukaya konu ketsinda nanyo, mṟutsi-chu aṟutsye Yesu Kristo wapfunyi nechimtana na mbihu yanu ii mfari-moo, iwe meny-moo kipfa kya Mumuyo-cho oke ai kiidi kyanu.

1 WAKORINTO 15:45

Nyi kuukuṟehye kudi, Adamu mndu o kuwoka nyi alewa mrima fuwode moo.

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.