YOHANE 5:19 - Bibilia Kui Mdedie fo Kimochi

¹⁹ Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

YOHANE 5:19 ပူးပေါင်းရင်းမြစ်များ

MAWOOKIONYI 1:1

Lya mbooko Ruwa ewumba ruwehu na oruka.

MAWOOKIONYI 1:26

Ruwa kahamba: “Kyendenying'u luwumbe mndu kui ofano lodu; o mfananye fodu; wawechilia makunga ha ipfo mṟingenyi na malehe ha shia ruwehu na shumasho na orukalu lose, na orio kindo kekekukuruo wanda kyose.”

SHIIMBO SHA DAWIDI 138:3

Mkonu fulya njilekulaha kulenjiidikia, konjiwihiṟia moo mrimenyi kui injiwika pfinya.

SHIIMBO SHA DAWIDI 27:14

Wedia Mndumii, nowe ngohoda Kupfunge tse, ee, uwedie Mndumii.

SHIIMBO SHA DAWIDI 50:6

Ruwehu lyechionguo wulohi woke, kipfa Ruwa nyio ai modumbuo mondu.

IWUKA 4:11

Mndumii-Ruwa kambia, “Nyiu awikie dumbu lya mndu o wandu? Ang'u nyiu ekewika mndu pipi ang'u mpfu madu, ang'u msa awonyi, ang'u kipfupfuṟe, Chi inyi Mndumii-Ruwa?

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

YESAYA 44:24

Mndumii ai mkiṟa opfo nyio alekuumba wusunyi, o nahamba adi; “Inyi nyi Mndumii njeketana shindo shose; njialie ngina yose, ngamanyika orukenyi, nyiu ai na inyi?

YESAYA 45:24

Umu nechinjiwia ko Mndumii amonyi, kuwode wulohi na pfinya; ee wandu wechihenda koke, na wose walemsuuya wachiṟeenze.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

MATAYO 26:39

Kahenda-henda sa hatutu kaho wanda na kyamu kechiterewa kahamba, “Hoi Wande, kokoya na kechiku Ṟwia kirahu ki kiide mbele yako kinjihyame. Kya indi ma kilawe nyi chando inyi ngakunda indi kiwe chando okunda iyo.”

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

YOHANE 10:18

Ma kwipfo aifunjisokapfo kya indi nyi ngafulekya kui ikunda lyako njimonyi. Nyi njiwode pfinya ya ifulekya, njiwewode na pfinya ya ifuwada-se. Nyi wudo wande oko alenjiwawasia njiṟunde.”

YOHANE 12:49

Kipfa inyi kilya njilededa chi koko inyi kiwukye-hopfo. Nyi Wande-chu oko ichu alenjiduma o anjinengye iwawaso lya kindo kyededa na ihamba.

YOHANE 12:50

Na inyi njiichi ke kilya o awawasye kyo kirie moo fo mlungana. Nahong'u ngadeda kilya Wande alemmaa injiwawasia njidede.”

YOHANE 14:10

Alewo kulaidikye ke inyi njii-msanze na Wande nao Wande ai-msanze na inyi? Madedo ho ngamuwia moose manya hawukye koko njimonyipfo. Ni Wande chu ai kiidi kyako nyi awa moṟundya-ho mawuto hake.

YOHANE 2:19

Yesu kahalwo kawawia, “Sanjenyi Hekalu li na inyi njiliwike-se lingi ko mfiri iṟaṟu.”

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 5:21

Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 6:38

Kipfa kyannenga ngasoka ruwehu chi kundu njiwute kya chila yakopfo kya indi kundu njihende iwuta kii kya chila ya ichu alenjiduma.

YOHANE 8:28

Nahong'u Yesu kahamba, “Mukamshika iiria Mana chu o mndu mpfondo mochimanya ke, ‘Inyi nyio;’ na imanya ke njiwode kindo ngiwuta ki kya chila yako njimonyi-pfo kyaindi ikyo Wande alenjilosha nkyo njihamba.

YOHANE 9:4

Kui na sa kiluwaṟi luṟunde maṟunda na ichu anjidumye; kipfa kio kiicha kiheri mndu elechiidima iṟunda maṟunda.

MAWUTO HA WASU 2:24

Ruwa kamṟutsa kamwashuo mawawyonyi ha opfu kipfa kilawechiidi-mika nakae awodo nyi opfu.

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

WAROMA 8:11

Indi komkooya Mumuyo o ichu aleṟutsa Yesu wapfunyi aikukaya konu ketsinda nanyo, mṟutsi-chu aṟutsye Yesu Kristo wapfunyi nechimtana na mbihu yanu ii mfari-moo, iwe meny-moo kipfa kya Mumuyo-cho oke ai kiidi kyanu.

1 WAKORINTO 15:12

Kyasia kokoya kokeongoyo kya Kristo ke aṟumka ke nyi kulaipfo iṟuka lya wapfu?

2 WAKORINTO 4:14

Nyi luichi ke o ichu aṟutsye Mndumii Yesu echiluṟutsa naso lui kimu na Yesu na iluhoṟotsa-ho handu hamu nanyo.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

WAFILIPI 4:13

Ngakuidimya njido shose njii na ichu monjikapya owanzo.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

WAKOLOSE 1:16

Kipfa ishi shose shiipfo maruwehu na kunu wuyana, shilya shiwonyio na shilya shilawonyio shilewiko ku mweke foke, manya shifumbi sha wuitoṟi, manya menge tsa wusuṟi manya wuwawa manya wuaapfinya. Ishi shose shilewiko nyio kundu shiwe shake.

1WATESALONYIKYE 4:14

Kipfa kokoya lokusirya ke Yesu alempfa kaweṟuka, na wudo Ruwa echiduo walya wai wainutsye njia imu nao iisume nyi Yesu.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.