YOHANE 5:1 - Bibilia Kui Mdedie fo Kimochi

¹ Ili numa kuweshikye mkonu mnene fo Wayuda Yesu kahenda ido na kulya Yerusalemu.

YOHANE 5:1 ပူးပေါင်းရင်းမြစ်များ

IWUKA 34:23

Makamba haṟaṟu orio maka wasoṟo wapfo wose wechicha oshangunyi lo Mndumii-Ruwa, Ruwa o Waisraeli.

MATAYO 3:15

Yesu kahaluo kambia, “Ikyo kudee wulalu, nyi wudo kiluwaṟi, kundu luawutsie mbon tsa wusumhanyi tsose.” Nalyo kakumdeea.

YOHANE 2:13

Kyasia mkonu mnene fo Wayuda fulya fo Pasaka fuwekeri fo afui; Yesu kahenda ikudoya na kulya Yerusalemu.

WAGALATIA 4:4

Kya indi ilindi kiawutsya maheri kilemcha Ruwa kawemdikya Mana oke kafeo nyi mndu mka kawewiko shi ya mawiko.

NGUMBUO YA MAWAWASO 16:1

“Ichikenyi meri fo Abibu muwike Pasaka ya Mndumii-Ruwa, Ruwa onu kui wuindi. Cha kipfa kiidi kya merifo fo Abibu, Mndumii-Ruwa, Ruwa onu nalemuwuta kulya Misri kiheri kya kio.

NGUMBUO YA MAWAWASO 16:16

“Wasoṟo wose wa mkambo fonu wechicha oshangunyi lo Mndumii-Ruwa, Ruwa onu, makamba haṟaṟu orio maka, handu Mndumii-Ruwa, Ruwa onu echisambuṟa: kiheri kya mkonu mnene fo Pasaka, mkonu mnene fo sambuo na kiheri kya mkonu mnene fo matengo. Walache oshangunyi lo Mndumii-Ruwa na mawoko ha wulya.