YOHANE 4:32 - Bibilia Kui Mdedie fo Kimochi

³² Nao kawawia, “Inyi njiwode kando njikeri ilya nyo mulakaichi.”

YOHANE 4:32 ပူးပေါင်းရင်းမြစ်များ

YOBU 23:12

Njilewuya numa ngada wuwawaso wo dumbu lyake pfo, njileringa madedo ha dumbu lyake kota kando kako.

SHIIMBO SHA DAWIDI 119:103

Mapfundo hapfo hekenjilodia mnu, kota wuki dumbunyi lyako.

SHIIMBO SHA DAWIDI 25:14

Kiṟike kya Mndumii kii ko walya wamwowoe, Nao nechiwamanyishia mkundana foke.

SHIIMBO SHA DAWIDI 63:5

Mrima foko fochihiyo cha iihuda mafuda na nyama njinoru; dumbu lyako lyechikuṟumisha njiwodo n'sia.

MFANANO 14:10

Mrima fuichi iwawio lya mbihu, Manya mhenu echisonja manya sia yake pfo.

MFANANO 18:20

Ndeu ya mndu yechiichuṟo nyi ndunda tsa dumbu lyake Nechiihuda shilimu sha dumbu lyake.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YEREMIA 15:16

Njilewona madedo hapfo ngahalya, ngameṟa hakanjiinenga sia ing'anyi, hakaloda mrimenyi foko. Kipfa inyi njimanyikie kui rina lyapfo. Lyo Mndumii-Ruwa menyi matorito.

YOHANE 4:31

Iki kyechihendeka kidi waloshe wake wakamterewa wakahamba, “Hoi Maaria, lya kelya.”

YOHANE 4:33

Waloshe wake wakawesana, “Kulako kuweipfo amwendye wundo wolya ngesa?”

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

MAWUTO HA WASU 20:35

Na ishi shose njiwei mupfungya nasho mtaato kundu nanyo mukuwinyishe ipfuṟukanya wafafa mochikumbwo kilya Mndumii Yesu ahambye ke, ‘Nanga iinenga kota yambya.’”

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.