YOHANE 4:23 - Bibilia Kui Mdedie fo Kimochi

²³ Kya indi kukaa kuche kiheri nakyo kii-ho na wulalu kyechienenga weindya Ruwa wa lohi nyi wechiwikya Wande wuindi wurio nyi Mumuyo na kiwulohi. Kipfa nao Wande amonyi aipfula wai wadi wembikya wuindi wo mbaṟi ii.

YOHANE 4:23 ပူးပေါင်းရင်းမြစ်များ

1MBONYI TSA MAHERI 29:17

Njiichi Ruwa oko ke iyo nokeṟisa mrima ya wandu, na nokechihiṟo nyi mrima mheṟemtsu; Ko wuhendeli wo mrima foko ngakuwutia shindoshi shose; na wulalu ngamewona ke wandu wa wose wakuwutia walaiwaitike na ko sia ing'anyi.

SHIIMBO SHA DAWIDI 147:11

Mndumii nekeidikiana na walya wekemwindia, na iwedia mboṟa tsake.

SHIIMBO SHA DAWIDI 17:1

Hoi Mndumii, keichowo kiilohi, noadanyie kifihiṟo kyaho, Deha kudu, kopfo noicho shiterewo shako; Shiwuka dumbunyi lilawode mtambo.

SHIIMBO SHA DAWIDI 32:2

Nanga ulya Mndumii alechimwitalia madeko, Mrimenyi koke kulawode mtambo.

SHIIMBO SHA DAWIDI 51:6

Ambuya nyokechihiṟo nyi wukiilohi wo mrimenyi. Iyo nyochinjikumbuṟa wuṟango kui kiṟika,

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

SHIIMBO SHA SOLOMONI 2:14

Mbeta yako, maowionyi ngaṟahambenyi, kiidi kya maowionyi ha chila tsa wandu. Njiambuye kyamu kyapfo, njiicho ṟu lyapfo, Kipfa ṟu lyapfo lii licha, na kyamu kyapfo kikachia.

YESAYA 10:20

Kake, “Kechiwa mkonu-fo mtsuhaṟo fo Israeli na iwo walekia wa mba ya Yakobo, wechikusiria se icho alewakapapfo, kyaindi wechikusiria Mndumii, Mwele o Israeli kya lohi.

YESAYA 29:13

Mndumii kahamba, “Kipfa wanduwa wekecha injiindia na madumbu hawo kyaindi mrima yawo ilekanyi na Inyi, na wuindi na wucha wowo nyi mloshie ya kiwandu.

YESAYA 43:21

walya njilewaumba kipfa kyako njimonyi kundu wahambe kiṟumi kyako.’”

YESAYA 58:2

Kyaindi wekenjishiha orio mkonu; wakundi imanya njia tsako; cha wandu wa mkambo fuwutie wusumhanyi, welechida wuwawaso wo Ruwa owo, wakundi mawawaso ha wusumhanyi; wekechihio ikaa afui na Ruwa.

YEREMIA 3:10

Kyaindi hamu na isho shose mshiki oke, Yuda ichu awode mtambo alemeche na koko na mrima foke fose-pfo, nalecha na makulembetseṟe.” Mndumii ahamba.

YEREMIA 4:2

Na iyo nyi wudi ochilya nyamu kui Rina lya Mndumii kui wukilohi, wusumuhanyi na wuhendeli, kochihamba, ‘So Mndumii ai na moo, Nlyondi mkambo fo wandu wechiwikio ona nyio, nawo wechimṟumisha.’”

EZEKIELI 22:30

Kyasia ngapfula mndu awuka ipfo kiidi kyawo kundu nawike omombo luhoṟoke kiidi kyako na orukalo kundu njilalurumatse, kyaindi njilawone manya mndu umu.

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

YOHANE 12:23

Na Yesu kawahalwo kahamba, “Aikyo kiheri kyamshika Mana chu o mndu nahende iwiko mwitoṟi.

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

YOHANE 16:32

Ambuyenyi kiheri kikeri icha na kilemcha kechitewa muhende irahanyitso orio mndu na koke munjideye-ho njimonyi. Ma ngakaa-ho njimonyipfo kipfa Wande nakeri na inyi.

YOHANE 4:21

Yesu kambia, “Iyo mka, njiidikya, ke kukae kuche kiheri mulakiwikye-se Wande wuindi kunu fumvu-hu manya kulya Yerusalemu.

YOHANE 5:25

Nyi lohi kya lohi ngamuwia, Kukaa kuche kiheri na wulalu na kikeri-pfo da lyondo wapfu wechiicho ṟu lya Mana o Ruwa na iwo weliicho wechiwona moo.

YOHANE 5:28

Ma mulaṟihyo kya ikyo, kipfa kukaa kuhoye kiheri ili iwo wose walee ipfo shipfunyi wechiicho ṟu lyake.

WAROMA 1:9

Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

WAROMA 8:26

Na wudo na Mumuyo akeri iludaṟa keluwikya ngaya hando lufafaa; kyamba so lulaichi chandu kiluwaṟi iterewa chando kiwuṟie isumhantso, kya indi Mumuyo amonyi ailuikayaho na masumukyo halechiwa ihamba.

WAGALATIA 4:6

Indi ili mui wana kawemdikya mumuyo fo Mana oke ipfo ngoonyi tsanu kemfuhia, hoi Aba, hoi Wande!

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1SAMWELI 12:24

Kyasiang'u nanyo indienyi Mndumii-Ruwa na imṟundia kui wuhendeli na mrima fonu fose. Kyekumbuonyi shindo shilya shinene alemuwutia.