YOHANE 3:33 - Bibilia Kui Mdedie fo Kimochi

³³ akiwikya mhuri fohamba ke Ruwa nyio kiwulohi.

YOHANE 3:33 ပူးပေါင်းရင်းမြစ်များ

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

YOHANE 8:26

Njiwode shifoi shededa kyanu na idumbwo kyanu. Kya indi ichu alenjiduma akeri menyi-wukilohi, na inyi shilya njileicho shiwuka koke nsho njiiwia wa wuyana.”

WAROMA 15:28

Nahong'u ngamemarisa iki na iwikya osano luwewatowoke ludi mhuri foko ipfo kowo njechiira kyaṟo kehenda Hispanyia njiide konu.

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

1 WAKORINTO 9:2

Kokoya inyi ndai msu o ko wengi kya indi njii msu konu nyo. Kyamba kitisiṟo kyemanyisha wusu woko nyi nyo ipfo Mndumii-hu.

2 WAKORINTO 1:18

Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote.

2 WAKORINTO 1:22

Nao nyio amelutisiṟa luwe masaa hake kaludeya mriteke fo Mumuyo ngoonyi tsadu, kya shindo shose alelusuṟumia.

WAEFESO 1:13

Nanyo-da ili muleicho idedo lya kii lohi lya ndumi ya sia ya okiio lonu mlememwidikia na ikuwada nao, na ipfo koke muwepfindihisyo nanyo kui kisumbo kya Mumuyo Mwele ichu awemteṟio.

WAEFESO 4:30

Manya mulawichuye Mumuyo chu Mwele o Ruwa alempfindihisya mkonu fulya fo oletso.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

WAEBRANIA 6:17

Na wudo Ruwa ili alekunda iloṟa weoṟa kyasa kilya wutumuhari wo kyama kyake kui wuitiki wung'anyi kasanzia-ho ilya nyamu.

1YOHANE 1:10

Kokoya so lokehamba ke lulawenyamaṟye hando, nyi hondo lomtana o Ruwa mowongo na idedo lyake likeri nasopfo.