YOHANE 3:30 - Bibilia Kui Mdedie fo Kimochi

³⁰ Kimbaṟi o naengeṟe iṟumisho na inyi njinyie.”

YOHANE 3:30 ပူးပေါင်းရင်းမြစ်များ

YESAYA 53:12

Ko ikyo njechimhawia mooko foke hamu na wanene, Nawehawa shicheye shidenyi hamu na walya wai mbahanyi, Kipfa nalereka moo foke itane opfu, Katalio kimu na wadeko. Nalekudika manyamaṟo ha wandu wafoi Na iterewia wadeko.”

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YOHANE 3:29

Ichu arie mka moaliko nyio menyi-wali. Indi mbuya ya menyi-wali ichu ahoṟoki oo afui kemwadanya nyi aichihio mnu na sia ing'anyi ili aicho menyi wali kechideda. Nyi wudo sia yako yaichuo pacha.

YOHANE 3:31

“Ichu acheye awukye huye nyio mnene o wose. Ichu apaṟikye kunu wuyana kawewa na o kunu wuyana kuwededa shii sha wuyana. Indi ichu achee awukye ruwehu o akeri mnene o wose.

1 WAKORINTO 3:5

Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

WAKOLOSE 1:18

Nao ai mdo fo mbihu foke mfo siṟi. O ai moasa, mboki o moo fo mbihu fo. O nyi Mana mbee aṟukiye wapfunyi, kundu nawe mosongoya shose o amonyi.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.