YOHANE 3:17 - Bibilia Kui Mdedie fo Kimochi

¹⁷ Kyamba Ruwa alaleduma Mana oke nache na kunu wuyana kundu naanduye wuyana wu, kya indi nyi kundu wuyana wuhendekiṟo nyio.”

YOHANE 3:17 ပူးပေါင်းရင်းမြစ်များ

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MATAYO 18:11

Nyi kipfa mana o mndu nyi achee nakiṟe iki kidekye.]

LUKA 19:10

Kipfa Mana o mndu nyi alecha ipfula kilya kidekie, nakikiṟe.”

LUKA 9:56

Mana o mndu chi alecha narumatse moo ya wandupfo, shile nyi iikiṟa.” Wakahenda mṟinyi fungi.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

YOHANE 11:42

Na inyi na mbeichi nyi owa monjiadanya kiheri kyose. Kya indi nyi kipfa kya wandu wa wahoṟoki iya waiṟingichye nkyondo ngakihambya kundu wechiwuta-ho iidikya ke nyi iyo unjidumye.”

YOHANE 17:18

Chando iyo ulenjiduma kunu wuyana nyi wudo na inyi ngawaduma kunu wuyana;

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 17:8

Kipfa madedo ha ulenjienenga nyi njilehawaenenga. Nawo wakahaambya; wakawuta-ho imanya ke nyi ipfo kopfo njicheye lohi, wakaidikya ke nyi iyo ulenjiduma.

YOHANE 20:21

Yesu Kawuya kawawiase, “Kaenyi na opfoṟo. Chando Wande anjidumye na inyi na wudo ngawemduma nyo.”

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

YOHANE 5:36

Indi inyi njiwode kiṟingishyo kyako king'anyi kota kilya kya Yohane. Kyamba maṟunda njiṟunda halya wande alenjienenga njihaṟunde, naho nyiho haiṟingishia ke nyi Wande alenjiduma.

YOHANE 5:38

Ma idedo li lyake mukuwodye nalyo likae ipfo mrimenyi-pfo kipfa ichu alemduma mulalemwidikya.

YOHANE 5:45

Ma mulawone mohamba ke nyio inyi nyechimkumba ipfo ko Wande. Mose chu mumkusihye nyio echimkumba.

YOHANE 6:29

Yesu kahalwo kawawia, “Iṟunda lilya liwawaso nyi Ruwa aili, ke kundu muhende iidikya ichu alemduma.”

YOHANE 6:38

Kipfa kyannenga ngasoka ruwehu chi kundu njiwute kya chila yakopfo kya indi kundu njihende iwuta kii kya chila ya ichu alenjiduma.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

YOHANE 7:29

Inyi njimwichi, kyamba nyi ipfo koke njiwukye nao nyi anjidumye.”

YOHANE 8:11

Mka ulya kahamba, “Ma umupfo, Mndumii.” Nahong'u Yesu kambia, “Manya inyi njikuwonya kya mti fulyapfo. Kuhendye. Kowuka-ho dumbuya teṟe, ulakinyamaṟe-se.”]

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.