YOHANE 3:16 - Bibilia Kui Mdedie fo Kimochi

¹⁶ Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 3:16 ပူးပေါင်းရင်းမြစ်များ

MAWOOKIONYI 22:12

Kahamba, “Kulahoṟoye mana owoko lopfo, manya kulambutie kindo; kyamba wulalu ngamemanya ke noidikie Ruwa, kyamba kulalenjiima manachu, mana opfo kimumu mfi.”

MAWOOKIONYI 22:2

Kahamba, “Ira manachu, mana opfo kimumu mfi, umkundi Isaki, nohende nao tane orukenyi lo Moria, nommbute nawe kidaso kemaya modonyi ipfo fumvuhu lyimuho sa njechikuloṟa.”

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

MATAYO 9:13

Kekumbuonyi mutawuke imanya nyi kiki iki kii kihambe, Kindo njikundi nyi isaṟia ma chi idasapfo. Kipfa wandu njicheye ilaha ma chi iwo wa wusumuhanyipfo, chila na wandu wanyamaṟye.”

MARIKO 12:6

Awewode-se manoke kimumu amkundi. Kafurumya mduma o kowo kechihamba, nyio manako wechimwowuo.

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 10:28

Na inyi ngahaenenga moo fo mlungana. Naho ma hechikaa hadeke-se ma mlunganapfo. Ma kwipfo mndu echiharakwo kunu owokonyi lokopfo.

YOHANE 3:15

Kundu orio mndu momwidikiya nawone moo fo mlungana.

YOHANE 3:18

“Mndu aidikye Mana echiwonyo owingopfo. Mndu alamwidikie o ammaa iwonyo owingo kipfa ada alaidikya Mana chu o Ruwa kimumu mfi.

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 5:8

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAEFESO 2:4

Indi o Ruwa molunga isaṟia ili awelukundi na mkundie fung'anyi fudo.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

TITO 3:4

Matika na halya kulembonekaho woloṟu wo mkiṟi odu Ruwa na mkundie foke akunde nafo wandu aleluwonya okio.

WAEBRANIA 2:9

Indi ichu awemnyiṟye wasu kiheri kyangu lumbonyi nyio Yesu ai mruwie mdohu foke wuitoṟi na kiichiko kimaduma kya mawawio ha opfu, ili esonja opfu akaya-ho wose kui wutonga wo Ruwa.

1YOHANE 3:1

Ambuyenyi kunda lya Ruwa chando ling'anyi, likaluenenga lusendo wana wa Ruwa, na lui wana. Nkyo kimaduma wuyana wu wulalumanya so, kipfa wulalemanya Ruwa.

1YOHANE 4:19

So nyi luwode ikunda, kyamba o Ruwa alesonguo ilukunda.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.