YOHANE 3:15 - Bibilia Kui Mdedie fo Kimochi

¹⁵ Kundu orio mndu momwidikiya nawone moo fo mlungana.

YOHANE 3:15 ပူးပေါင်းရင်းမြစ်များ

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

MAITALA 21:9

Kyasia, Mose kasungusia njoka ya aṟeṟa, kaimasa ngohu. Orio mndu aleimado nyi njoka ili aleambuya njoka iya ya aṟeṟa, nalechia.

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MATAYO 25:46

Nawo wahende malisyonyi ha wukiwa wokaa mlungana na walya wa wusumuhanyi wawehenda ipfo kiidi kya moo fo mlungana.”

MARIKO 16:16

Msa aidikye kapatiso, nechikiṟo, msa alaidikye, echiwonyo owingo.

LUKA 19:10

Kipfa Mana o mndu nyi alecha ipfula kilya kidekie, nakikiṟe.”

YOHANE 1:12

Indi iwo walemwambya na imwidikia kawaenengya wulimbi wo itano wana wa Ruwa wose.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:47

Nyi lohi kya lohi ngamuwia, Ichu aidikie nyi awode moo fo mlungana.

MAWUTO HA WASU 13:41

‘Ambuyenyi nyo wemina! Ṟihionyi muhende ideka. Kipfa ngatana ngata mafiri ha hanu, ngata ii mulechiidikya manya le ma mndu kamdambuya munu!’”

MAWUTO HA WASU 8:36

Kyasia wechihenda wadi ipfo njienyi wakashika ikoya kundo ko mṟingenyi. Mnzenge ulya kahamba, “Ambuya aifu mṟinga, nyi kiki kyechinjiima njilapatso?” [

WAROMA 5:21

Nyi kyawa kido kundu chando wunyamaṟi wuwei mangi yededa na pfinya ya opfu nyi wudo wutonga wuwe mangi ipfo mengenyi ya wuhoṟotsu wochiwika moo fo mlungana fo ipfo Mndumii-hu odu Yesu Kristo.

1 WAKORINTO 1:18

Kyamba ndumi ya msalaba ikerye iwo wehenda deka wutambashi, kya indi kyadu so wehenda kiṟo ikulukerye finya ya Ruwa.

2 WAKORINTO 4:3

Indi kokoya na ndumi iya yadu ya sia ya okiio kokoya i-njishikye, na ipfo ko iwo wehenda deka.

WAGALATIA 2:16

Kya indi ili luweichi ke iwuta mawuto ha mawawase nyi wuwawaso lilasumhanza mndu shila iidikya Yesu Kristo na ikuwada nao nkyo kimaduma lulekuwada na Kristo Yesu na imwidikya kundu lusumhanzo wusumhanzo wowa na ikuwada na Kristo wulechiwa na mweke fo mawuto ha mawawase, cha kipfa kulaipfo ai nyama awechisumhanzo kui mawuto ha mawawase.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEBRANIA 10:39

Indi so lulai wandu wewuya numa lochihenda ideka, kya indi lui waidiki lochiletsa-ho mrima.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.