YOHANE 3:11 - Bibilia Kui Mdedie fo Kimochi

¹¹ Kya lohi na lohi ngakuwia, Kilya lomemanya nakyo lochekehamba na kilya lomewona nakyo lochekeongwo kya iṟingishya lyadu. Na kiṟingishyo kyo kyadu nyo mulakiidikye.

YOHANE 3:11 ပူးပေါင်းရင်းမြစ်များ

YESAYA 50:2

“Kyasia lilya njilecha nkili kulawewode mndu? Ngalaha, kuwode alehaluopfo? Ngesa! Owoko loko lui lufui njilemo ikiṟa? Ngesa njiwode pfinya tsechiṟa? Ambuya kui ideda lyako ngahadutsa ipalyipalyi, meda ya mṟinga ngaihaluo nuka ya msanga; makunga hayo haidaa kipfa kulawode mṟinga, wandu wapfa kipfa kya nyoda.

YESAYA 53:1

“Nyiu aleidikia mbonyi tsilya luleende? Na owoko lo Ruwa nyiu amtambaṟuye?

YESAYA 55:4

Ambuya, ngambika nawe mṟingishi ko mkambo fo wandu; msongoru na mosongoya shida mkambonyi fo wandu.

YESAYA 65:2

Njiambuyenyi! Njiambuyenyi! Mfiri puti njihoṟoye mawoko hako ko wandu wanyamaṟie, wandu wekeosha njia ilai njicha, wekeosha makusaṟo hawo wawenyi,

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 1:11

O nyi alecha na orukenyi loke amonyi na iwo wai wake ma walamwambye.

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 12:49

Kipfa inyi kilya njilededa chi koko inyi kiwukye-hopfo. Nyi Wande-chu oko ichu alenjiduma o anjinengye iwawaso lya kindo kyededa na ihamba.

YOHANE 14:24

Mndu kada alanjikunda ma madedo ho hako aharingapfo. Na idedo lyo moliicho chi lyako inyi njimonyipfo kya indi nyi Wande ichu alenjiduma.

YOHANE 3:12

Ili njemwongoya kya shindo shii sha kunu orukenyi nanyo mulanjiidikye, a ili njemwongoya kya shilya sha ruwehu nyi mochikuidikya muda?

YOHANE 3:13

Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 5:43

Inyi njicheye kui rina lya Ndeyako, nanyo ma mulanjiambye. Kokoya ungi echicha kui rina lyake amonyi nyi mochimwambya.

YOHANE 7:16

Nahong'u Yesu kawahalwo kahamba, “Mloshye yo yako njilosha nayo chi yako inyipfo kya indi nyi ya ichu alenjiduma.

YOHANE 8:14

Yesu kahalwo kawawia, “Na kokoya ngakuṟingishya kyako njimonyi, kiṟingishyo kyako na kii kya lohi da nyi kipfa njiichi kundo njiwukye na kundo njihenda. Indi nyo mulaichi ma kundo njiwukye ma kundo njihenda.

YOHANE 8:26

Njiwode shifoi shededa kyanu na idumbwo kyanu. Kya indi ichu alenjiduma akeri menyi-wukilohi, na inyi shilya njileicho shiwuka koke nsho njiiwia wa wuyana.”

YOHANE 8:38

Inyi kilya njiwonyi ipfo ko Wande nkyo njikeri ihamba. Nanyo kilya momicho kiwukye ko ndeanu nkyo muiwuta.”

MAWUTO HA WASU 22:18

Ngambona kenjiwia, “Faṟa kure nowuke kunu Yerusalemu owinyi, cha kipfa wechikuidikya kiṟingishyo kyapfo kyenjiringishya inyifo.”

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.