YOHANE 21:22 - Bibilia Kui Mdedie fo Kimochi

²² Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

YOHANE 21:22 ပူးပေါင်းရင်းမြစ်များ

MATAYO 16:24

Nalyo Yesu kawia walya wa kiloshionyi kyake, “Ichu echikunda icha na inyi iya num-ko naa nakukane amonyi nakudike na msalaba foke nache oshana na inyi.

MATAYO 24:27

Nyi kipfa chando mbawa yewaṟuka kulya ora lo ruwehu lo ngamenyi lukawaṟuka waṟu fukakoya kulya ora lo kiukanyi, na ili kochishika iya macheyenyi ha Mana o mndu nyi wudo kechewa.

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 24:44

Kyasia kyamba nyi wudo kii nawo kewekaenyi-ho mukusungusye. Nyi kipfa Mana o mndu echicha na saa ilindi mlechikumbuo.”

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 8:22

Nao kambia, “Nde nooshane na inyi node wapfu wakuṟikye wapfu wawo.”

MARIKO 9:1

Yesu kaengera iwawia, “Nyi kya lohi ngambia, wandu wa wahoṟoki iya kukeri-ho maata-ho wekaa walasaha opfu, na watane wawona wumangi wo Ruwa wochicha na pfinya.”

YOHANE 21:19

Na kyamwenenga kadeda ado kyemtongya opfu akaa naluwone naṟumishe nalo Ruwa nyi lochiwa lo mbaṟi njiki.) Ekimaa ihamba ado kambia, “Kenjiosha.”

YOHANE 21:21

Nahong'u ili Petro alewona mndu ulya kawia Yesu, “A ichu kyake kyechiwa kida?”

1 WAKORINTO 11:26

Kyamba orio mandi molya mkate fu na inyo kirahu ki mukeri ihamba opfu lo Mndumii itane echiwuya.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1WATESALONYIKYE 2:19

Kipfa nyi wu ai owedo lodu na sia na oṟo nchope ya kiṟumi ipfo sumhana na Mndumii odu Yesu mandi echikuloṟa kokoya chila nanyo.

YAKOBO 5:7

Tsindenyi mochikukarishya itane Mndumii echikuloṟa. Ambuya, mndu mdemi akeri iwedya kilimu kicha kya sanga echikukarishya kyakyo itane kyaambya mvuo yesonguo na mvuo yainutsya.

YAKOBO 5:8

Nanyo kekukarishyenyi-ng'u mudo mochidamiṟa madima hanu, kyamba nyi kufui Mndumii echikuloṟa.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 2:25

Kimuwaṟi muwade necha kilya mukiwode wulalu itane njechicha.

OTAMBAHALUO LO YOHANE 22:20

Moṟingishya ishi o ahambye, Ee nyi icha njikeri. Amenyi ke-njoo-wo, hoi Mndumii Yesu.

OTAMBAHALUO LO YOHANE 22:7

“Keambuya-wo, nyi icha njikeri. Ungusu mndu akuwode na madedo ho ha otambahaluo lo kitapu ki.”

OTAMBAHALUO LO YOHANE 3:11

Nyi icha owinyi njikeri. Wada tapu iki uwode kundu kulawonekye-ho mndu echikusoka aambo lyo lyapfo, lya wuwinzi.