YOHANE 21:19 - Bibilia Kui Mdedie fo Kimochi

¹⁹ Na kyamwenenga kadeda ado kyemtongya opfu akaa naluwone naṟumishe nalo Ruwa nyi lochiwa lo mbaṟi njiki.) Ekimaa ihamba ado kambia, “Kenjiosha.”

YOHANE 21:19 ပူးပေါင်းရင်းမြစ်များ

MAITALA 14:24

Kyaindi kipfa mṟundi oko Kalebi akeri chawopfo na nalenjiindia kui wusumhanyi, njechimshitsa ipfo orukenyi aleida napfo o na luwa lyake wechiluchilia.

MATAYO 10:38

Na mndu ada alakudika msalaba foke na icha oshana na inyi kunu numaako nanjiwaṟipfo.

MATAYO 19:28

Yesu kawawia, “Nyi kya lohi ngambia, ‘Nyo mui wandu weoshana na inyi ili koeshika iya mafeyonyi hewihiṟyo wuhya ilindi Mana o mndu echidamya loṟikehu lo wusuṟi woke nanyo mbedamya lorike-hu tsilya ikumi na tsiwi na idumbuo mondu ya mbaṟi tsa Israeli itsi ikumi na tsiwi.’

MATAYO 8:22

Nao kambia, “Nde nooshane na inyi node wapfu wakuṟikye wapfu wawo.”

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 12:33

Kadeda ado kechenga kya opfu loke ke nyi lo mbaṟi njiki echikaa napfe.)

YOHANE 18:32

Nakyo kikahenda kido kundu idedo lilya lya Yesu lihende iinukya lilya alehamba lyetongya opfu lulya echihenda ipfa.)

YOHANE 21:18

Nyi lohi kya lohi ngakuwia, Lilya mandi uwei mkoho nyi uwekupfunga mkanda kumonyi kokuhendya kundo okunda. Kya indi ili ochikaa nokuo nyi ochilesha mawoko hapfo na ungi nakupfunge echikuduo kundo ulakundi.” (

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

WAFILIPI 1:20

Kilya njikilangye ipfo ngoonyi kekusihya kyakyo kikeri kii-le ke, njilawone njechisuka manya-le, kya indi njikae na wukahari chando njiwei shiheri shose njiwe njido na wulalu, kundu Kristo nakuwutie-ho ihenda ṟumisho ipfo mbihu koko likawa ma kui moo fofo ma kui opfu lofo.

2PETRO 1:14

Kipfa njichi ke nyi kufui njileṟie mbihu fu fooepfa mbai chando Mndumii odu Yesu Kristo alenjimanyishya.

1SAMWELI 12:20

Samweli kawawia, “Manya mulaowuo; manya chandu mulewuta wuwichowu, mulade ioshana na Mndumii-Ruwa, kundu mumṟundie na ngoo yanu yose.