YOHANE 21:15 - Bibilia Kui Mdedie fo Kimochi

¹⁵ Wekimaa isuswo Yesu kawia Simon Petro, “Ngesa iyo Simon o Yohane, nonjikundi kota iwa?” Nao kahamba, “Ee-wo Mndumii, nawo oichi njikukundi.” Kambia, “Kelisa mahuṟuwi hako.”

YOHANE 21:15 ပူးပေါင်းရင်းမြစ်များ

MAWOOKIONYI 33:13

Yakobo kamhaluo, “Mndumii oko naichi ke wana nyi wakoku, na kingise machondi na mmbe njiwode tsiionza. Shumasho shikaitiko mkonu fumu shechipfa shose.

2SAMWELI 7:20

Njikuwie se kiki Mndumii? Iyo nonjiichi inyi mṟundi opfo na pata.

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

YEREMIA 23:4

Njechiwika walisi wechilisa necha ma hechiowuosepfo ma iwado nyi fowapfo, kuwode ma limu lechidekapfo. Mndumii ahamba.

YEREMIA 3:15

“Na inyi njechimuinenga walisi wanjichihiṟie mrima foko, wechimlisa na wuṟango na wulaanyi.

EZEKIELI 34:23

Ambuya njikeri iwawikia mlisi umu huye yawo, mangi ai cha mṟundi oko Dawidi. Ichu nyi echiwalisa, nawewa mlisi owo.

EZEKIELI 46:24

Nalyo mndu ulya kanjiwia, “Iha nyi mariko handu waṟundi wa Mndumii-Ruwa wechikoṟia shidaso sho shechiendo nyi wandu.”

MATAYO 10:37

Ulya akundi ndee ang'u mae kawakunda kota inyi, nanjiwaṟi-pfo. Na ulya akundi mana o womi anu o waka kawakunda kota inyi nanjiwaṟipfo.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 18:10

“Ambuyenyi ma mulamine iwa watutu ma ichu umu-ho. Kipfa ngambia, ‘Wasu wawo wa ipfo ruwehu nyi wailungana iwona kyamu kya Wande o ipfo rewehu. [

MATAYO 26:33

Kyasia Petro kahamhaluo kambia, “Manya wakusukyo nyi iyo wose, inyi njechisukyo nyi iyo ma ngashika indi ma indifo.”

MATAYO 26:35

Petro kambia, “Kiti njikukane na njipfe njisanzo na iyo!” Na walya wa kiloshyonyi wakawehamba wado wose.

MARIKO 14:29

Petro kambia, “Ma kokoya wose waendyo wusutsu na ilekana na iyo, inyi njechilekana na iyo ma ntapfo.”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

YOHANE 1:42

Kaduo Simon na alya ko Yesu. Yesu kaambuya Simon faa kahamba, “Nyi iyo Simon ui mana o Yona nolahong'u rina lyapfo nyi Kefa.” (Nakyo kohalwo nyi kimu na Petro iho lya “ngina.”)

YOHANE 13:37

Petro kambia, “Alewo Mndumii, kitewe njilaidima ikulatya wulalu nyi kyo iki? Njechireka moo foko njikuletse-pfo.”

YOHANE 16:27

Kyamba o Wande namukundi nyo amony cha kipfa nyi mulenjikunda mukawenjiidikya ke ipfo ko Ruwa njicheye.

YOHANE 21:12

Yesu kawawia, “Kenjonyi, mususwo.” Nahong'u walya wa kiloshyonyi manya kulakae-pfo akarya imbesa, “A u?” Nyi ili wammanya nyi Mndumii.

YOHANE 21:7

Nalyo ulya o kiloshyonyi Yesu wakotanyi nao kawia Petro, “Ate nyi Mndumii!” Simon Petro kyekiicho nyi Mndumii kakupfunga nguo ya huye (kyamba aweṟee kidami kya kitsi tupu,) katoolya ipfo mṟingenyi.

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

MAWUTO HA WASU 20:29

Inyi na njiichi ke ngammaa ihenda mashite ha ngeṟenyi malang'a hechicha na konu halechiwado nyi sonu kya ipoo lipfo.

WAROMA 14:1

Msa afafae wuidiki kewemambyenyi mulawone mochimitika hando akangashia.

WAROMA 15:1

Indi so luwangi wuidikinyi kiluwaṟi idaṟana na waleheshi walya hando wafafae, lulawone lochikulisiṟa luwenyi.

1 WAKORINTO 8:11

Na ulya mfafa kahenda idetso nyi wuṟango wu wopfo, nao ai nyi manowama msa Kristo alempfia.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

1PETRO 2:2

Ili mui cha wanangu wai wafee wulalu mulalakie oseṟi lu lo kimumuyo, lulalulongye wongo, kundu mushike ikoya kui pfinya yalo mkura ya okiio.

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.

1YOHANE 4:19

So nyi luwode ikunda, kyamba o Ruwa alesonguo ilukunda.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.