YOHANE 20:9 - Bibilia Kui Mdedie fo Kimochi

⁹ Kyamba lyandi walandemanye kilya kii-kiṟehye kehamba, ke nyi kii-kiteṟie nahende iṟuka awuka ko wapfu.)

YOHANE 20:9 ပူးပေါင်းရင်းမြစ်များ

SHIIMBO SHA DAWIDI 16:10

Na njiweichi ochinjilekia njideke pfo, Manya ochida mcha opfo nanyamaṟikye pfo.

SHIIMBO SHA DAWIDI 22:15

Pfinya tsako tsauma cha kyoho, Olimi loko luwadanyi na mahundu hako; Nyi unjiwikye kilulinyi kya opfu.

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

HOSEA 13:14

Ambuya njechikiṟa wandu wa wawuke ko waṟumu pfo, ma njechiwakiṟa kiidi kya opfupfo! Iyo opfu nyiku matuuro hapfo hakeri? Na ipfo ko waṟumu nyiku arisikio lyapfo likeri? Inyi njechiwasaṟia se pfo.

MATAYO 22:29

Yesu kahaluo kawawia, “Nyi modeko kipfa ili mulaichi ma ishi shii shiṟehye ma pfinya ya Ruwa.

LUKA 24:26

Alae Kristo chi kiwemsumhanyie iliso wukiwa kundu naidime ikuidia wusuṟinyi woke?”

LUKA 9:45

Nawo walamanyie kidedo-kyo, kikawatambisa walatambahalukio, wakaowuo imbesa kya kidedo kyo.

YOHANE 2:22

Nahong'u lilyandi aleṟuka awuka ko wapfu waloshe wake wakawuya ikumbwo ke nkyo ikyo alemhamba, wakaweidikya Maṟehyo halya Maele na idedo lilya Yesu awehambye.

MAWUTO HA WASU 17:3

Kawa mowatambaṟuya na iwadambuya ke nyi kiwewaṟi Kristo nahende iwawiṟo na iṟuka ko wapfu kaweṟingishya kehamba, “Yesu chu njimuongoya mbonyi tsake nyo nyio Kristo.”

MAWUTO HA WASU 2:24

Ruwa kamṟutsa kamwashuo mawawyonyi ha opfu kipfa kilawechiidi-mika nakae awodo nyi opfu.

1 WAKORINTO 15:4

Kiidima na ke nyi amṟike na ili lya kaṟaṟu aṟukye chando kuwei kuṟehye.