YOHANE 20:19 - Bibilia Kui Mdedie fo Kimochi

¹⁹ Nahong'u mfiri fo Ruwa kyukanyi na mongo ili impfunge ya mba iya ipfo kundo wa kiloshyonyi wakuwumbye nyi kipfa waowoye Wayuda. Kudi Yesu a ichu amcha kahoṟo kidi kyawo kawawia, “Kaenyi na ofoṟo.”

YOHANE 20:19 ပူးပေါင်းရင်းမြစ်များ

SHIIMBO SHA DAWIDI 122:8

Kui kipfa wana wa wama wako na mbuya tsako. Njihambe-se wulalu, Oforo lukae na iyo!

MATAYO 10:13

Na mba-yo kokoya nyi isumuhanyi na ofoṟo lonu luisoke huye yayo. Kya indi ikada ilasumuhana na ofoṟo lo luwembuuya nyo.

MATAYO 18:20

Cha kipfa kundu komsanza wawi ang'u waṟaṟu kuirina lyako inyi napfondo mbei ipfo kiidi kyawo.’”

MARIKO 16:14

Numa wadamie ilya shelya, Yesu kakuloṟa nawo walya ikumi na umu Kawadedya mnu, ili walaidikye na ngoo tsawo ili tsi ntumhari walaidikye walya wawemembona ameṟuka.

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

YOHANE 16:22

Nanyo na wudo da, kiheri kya wulalu muisokyo nyi fowa. Indi njechiwonana nanyo lingi, na mrima yanu yechichihio na msiha fu fonu kwipfo mndu eidima imsokasepfo.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 20:21

Yesu Kawuya kawawiase, “Kaenyi na opfoṟo. Chando Wande anjidumye na inyi na wudo ngawemduma nyo.”

YOHANE 20:26

Kyasia ili numa komeida-ho mfiri nyanya walya wa kiloshyonyi kyake wawekeri-se ipfo mba na Toma ai ipfo kiidi kyawo. Kudi aichu Yesu acha-ho mongo ii-mfunge kahoroka ipfo kiidi kyawo, kahamba, “Kaenyi na ofoṟo.”

YOHANE 21:1

Nahong'u ili numa Yesu kawuya ikuloṟa lingi na walya wa kiloshyonyi kyake kulya mawambao na nduwa ya lya kulya Tiberia. Na chando ekuloṟa nyi kikeri kiile.

YOHANE 21:14

Nalyo likawa lya kaṟaṟu Yesu alekuloṟa na walya wa kiloshyonyi ili ameṟuka awuka ko wapfu.

YOHANE 7:13

Ma kudo kulakae-pfo mndu adeda kyake na pata kipfa nyi waowoye wasongoru walya wa Wayuda.

MAWUTO HA WASU 1:3

Nawo nyiwo alemkuloṟa nawo numa ya mawawiṟo hake ke nyi ai na moo kui ngata sa tsifoi kechiwawonekya handu ha mkonu makumi haana na ideda nawo kya wumangi wo Ruwa.

WAROMA 15:33

Na Ruwa-chu menyi ofoṟo nakae nanyo mose. Amenyi.

1 WAKORINTO 15:5

Kiidima nao ke nyi alekuloṟa na Kefa, kiidima na walya ikumi na wawi.

WAEFESO 2:14

Kipfa nyio ai ofoṟo lodu msanzi mosanza Wayuda na wandu wa mkambo ingi wawe wamu kedmya mfo fulya fuwei tunja fuwewika kituwa kilya.

WAEFESO 6:23

Ofoṟo lukae na wana wa wama na ikunda na wuidiki shiwukye ko Ruwa Wande na ko Mndumii Yesu Kristo.

WAFILIPI 1:2

Wutonga wukae nanyo na ofoṟo lu luwukye ko Ruwa Ndeyadu na Mndumii Yesu Kristo.

2WATESALONYIKYE 3:16

Na Mndumii menyi ofoṟo namuenenge ofoṟo mfiri yose ko orio kindo. Mndumii nakae nanyo mose.

WAEBRANIA 7:2

Nyio Abrahamu kahenda imlekia kilya kyeshitsa ikumi kya shindo shilya shose. Nao asonguo ihambo mangi menyi wuhoṟotsu kawehambo lingi mangi ya Salemu lyo lihambye mangi menyi ofoṟo.

3YOHANE 1:14

Indi njikusirie iwonana na iyo mkonu fo afui ludede dumbu kui dumbu.

OTAMBAHALUO LO YOHANE 1:4

Inyi Yohane ngamwiṟikiṟa nyo siṟi mfungade tsikeri ipfo Asia. Wutonga wukae nanyo sanza na ofoṟo shichee ko ichu aipfo aweipfo echikaa-pfo ai echicha, shiwekuwukya na ko mumuyo iya mfungade ikeri oshangunyi lo kidembo kya wuitoṟi woke.