YOHANE 20:17 - Bibilia Kui Mdedie fo Kimochi

¹⁷ Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

YOHANE 20:17 ပူးပေါင်းရင်းမြစ်များ

2WAMANGI 4:29

Nalyo Elisha kawia Gehazi, “Kuwanze tse, uduo ndichi ii kuwokonyi kopfo, uhende, kokumbuhana na mndu, kakuiṟikiṟa kulaidikie, uhende iwika ndichi ii huya kyamu kya mana.”

2WAMANGI 7:9

Kiidima wakawiana, “Mbonyi tsi luiṟunda tsitsichapfo, inu nyi mkonu fo mbonyi njicha, na-so lukatsia mṟasa kuke, lochihoyo nyi shindo shiwicho luhende iongoya wandu wa mba ya mangi.”

SHIIMBO SHA DAWIDI 22:22

Njechionguo rina lyapfo ko wanawawama wako, Makidi hawi ha kisanzyo njechikuṟumisha.

SHIIMBO SHA DAWIDI 43:4

Ko ikyo njechihenda rasiyonyi ko Ruwa, Ruwa-chu ai sia yako na msiha foko; Njechikuṟumisha na kinanda, Hoi Ruwa, Ruwa oko.

SHIIMBO SHA DAWIDI 48:14

Kipfa nyi wudo ai Ruwa, Ruwa odu. Mlungana na mlungana, Nyio echilusongoya.

SHIIMBO SHA DAWIDI 68:18

Iyo nyuledo ruwehu, kowada wuitoṟi, koinengo shiinengo kiidi kya wandu; Ee, ma walya walemi, Mndumii-Ruwa nakae nawo.

SHIIMBO SHA DAWIDI 89:26

O nechinjilaha, ‘Iyo wande oko, Ruwa oko na iṟaṟa lya okiṟo loko.’

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 32:38

Wo wechiwa wandu wako na inyi njechiwa Ruwa owo.

EZEKIELI 36:28

Kii kidi nyi mochihenda ikaa orukenyi lu njiweinengie waku wanu. Nanyong'u mochiwa wandu wako, na inyi njiwe Ruwa onu.

EZEKIELI 37:27

Ambuya nyi njechikaa kiidi kyawo, njiwewa Ruwa owo nawo wawe wandu wako.

MATAYO 12:50

Kipfa mowuta shechihia Wande kulya ruwehu, nyi-ong'u anjikerye manowama na mshiki ang'u wama.”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MATAYO 28:7

Na ihenda mkambiṟe ihenda owinyi mkewia walya wa kiloshyonyi kyake ke nyi amṟuka awuka ko wapfu. Ambuyenyi nyi echimsongoya nahende kulya Galilaya. Mpfondo mochimbona. A ikyo-ng'u ngambia-ng'u.”

MARIKO 12:26

Kyaindi kya maṟukyenyi ha iwo wapfiiye a nyi mulasomie kyawo ipfo kitapunyi kya Mose ipfo ko osha lulya luweiaka modo? Ruwa kawia Mose, ‘Inyi nyio Ruwa o Abrahamu na Ruwa o Isaki na Ruwa o Yakobo?’

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

LUKA 10:4

Mulahende murie kichoṟe, manya kikuchu, ma shadu, manya mulaiṟikiṟe mndu njienyi.

YOHANE 13:1

Mkonu fulya mnene fo Pasaka fulameshika ihoya Yesu amemanya ke kiheri kyake kyamshika nawuke kunu wuyana iwuya ko Wande. Nao msa alewa mokunda iwa wake mandi ai kunu wuyana nyiwudo-ng'u alewaloṟa mkudye foke tane mainukyonyi.

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 14:2

Ipfo kanyi ka wande oko nyi kuipfo shidembo shifoi. Koka shila wudo njiwemuwia. Wulalu njikeri ihenda imteseheṟya-ho hando.

YOHANE 14:28

Nyi muleicho njechimuwia ke njihenda; na iwuya njechiwuya na konu. Ukoye muwenjikundi nyi muwechichihio ili njihenda ko Wande kipfa o nanjing'anyi inyi.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 16:28

Nyi ipfo ko Wande njiwukye ngacha na kunu wuyana, Wulalu ngada wuyana wu njiwuye na ko Wande chu.”

YOHANE 17:11

Na inyi njikikeri-se kunu wuyanapfo. Nawo na kunu wuyana wakeri. Nao inyi nyi ikucheya na kopfo njii. Hoi Wande Mwele! Waringe wakae na rina lyo lyapfo, ilyo ulenjinenga inyi, kundu nawo wawe wamu chandu naso lui wamu.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

YOHANE 20:27

Kiidima kawia Toma, “Keende-ng'u kimnyo kyapfo na aa noweambuya na mawoko hako, uweende na owoko lopfo noluwike aa owarinyi loko. Ma kulawe mlemeshi iidikya kya indi uwe mwidiki.”

YOHANE 7:33

Yesu kahamba, “Nyi kiheri sa kyangu njitsinda-se nanyo njihende ko ichu alenjiduma.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

2 WAKORINTO 6:18

E-wo njechimbiia Wande nanyo mochinjiwiia wana wako wa nguo ii na ii. Lyo nyilyo Mndumii ahambe ai menyi-pfinya tsose.

WAGALATIA 3:26

Nanyo mose mui wana wa Ruwa kui wuidiki wu wokusirya na Kristo Yesu.

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

WAEBRANIA 8:10

Na owiko, Mndumii ahambie, ilu njechiwikya mba ii ya Israeli ili indi mkonu iya yamesia lukeriludi; ke njechihomoya njowawaso tsako ipfo mhienyi yawo njechitsiṟehya ipfo ngoonyi tsawo. Na inyi njechiwawiia Ruwa nawo wechinjiwia mkambo.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

1YOHANE 3:2

Nyo mui wakunde wako, lukeri wana wa Ruwa wulalu. Indi mbika lochikaa nayo ilemewonekye-pfo. Luichi ke iliindi Kristo echicha nyi lochifanana nao, kyamba nyi lochimbona mbuka yake yose.

OTAMBAHALUO LO YOHANE 21:3

Ngaicho ṟu ling'anyi lyiuka ipfo loṟikenyi lo wuitoṟi lyechihamba, “Aika kanyi ka Ruwa awode hamu na wandu. Nao echitsinda kowo nawo wechiwa wandu wake. Nao Ruwa amonyi nyechiwa Ruwa owo.

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.