YOHANE 20:13 - Bibilia Kui Mdedie fo Kimochi

¹³ Nawo wakambia, “A iyo mka, nyi ki ili uilia?” Kawawia, “Nyi ili wamira Mndumii oko na inyi ndamanye-se hando wahendye imlaṟa.”

YOHANE 20:13 ပူးပေါင်းရင်းမြစ်များ

KOHELETI 3:4

Kiheri kefihiṟa, na kiheri keseka; Kiheri kya fowa, na kiheri kechihiyo;

YEREMIA 31:16

Wulalu da ifihiṟa, angatsa mchenyeṟe yapfo, kipfa nochiinengo wuwinzi ko iṟunda lyapfo, nyi inyi Mndumii-Ruwa ngahamba, ‘Wana wanu wawuka oruka lo wakituwa wanu.

LUKA 24:17

Nao kawawia, “A nyi mbonyi tsida mukeri ihaluyana ili mukeri ichumia lanye?” Indi wo wakahoṟokaho wakuinadie.

YOHANE 19:26

Nalyo Yesu kekiwona mae na ulya o kiloshyonyi ulya wakundanyi ahoṟoki-ho naho kawia mae, “Mka aichu manopfo.”

YOHANE 2:4

Yesu kambia, “Kyadu na iyo nyi kiki, mka? Saa iya yako yamekushikyapfo.”

YOHANE 20:15

Yesu kambia, “A nyi kiki olia, mka? Nyiwu uimpfula?” Nao kahamba lako nyi ulya moikalya kyungu kambia, “Koka nyi iyo umuirye-ho, Mndumii, kembiawo hando uhendye imlaṟa, na inyi njihende imwondwo-pfo.”

YOHANE 20:2

Nalyo kawikya mteṟa kashika kulya ko Petro na ulya o kiloshyonyi wawekotanyi na Yesu, kawawia, “Ate nyi wamira Mndumii-pfo opangenyi naso lulamanye ma kundo wahendye imlaṟa.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

1SAMWELI 1:8

Mii oke, o Elikana kawa mommbesa orio kiheri, “Nkiili uwodo nyi fowa mrimenyi fopfo? Ngesa, inyi chi njing'anyi kopfo kota wana wa kisoṟo ikumi.?”