YOHANE 2:14 - Bibilia Kui Mdedie fo Kimochi

¹⁴ Na ipfo hekalunyi kakoyapfo wandu wekumba mbe, machondi na mbeta, na wailachi weilachia wandu pesa tsawo nyi wadamye mesenyi tsawo.

YOHANE 2:14 ပူးပေါင်းရင်းမြစ်များ

EZEKIELI 36:38

Nawo wechiterewa wahende ifo cha machondi ha shidaso, yee cha mapo ha machondi mṟinyi fo Yerusalemu kiheri kya mfiri mnene yawo. Kyamba nyi wudong'u mṟi yo yanu ilawewode wandu yechihenda iichuo kituṟu kya wandu. Kikamba kido wechihenda imanya ke Inyi nyi Mndumii-Ruwa.”

MARIKO 11:15

Naho wakacha na Yerusalemu. Yesu amida na ipfo hekalunyi, kawoka ifunyia nja walya wekumba na wehuṟa wai ipfo hekalunyi kapfuluo na shitaṟa sha weilacha pesa na shidi shedamya sha wekumba mbeta.

MARIKO 11:17

Kalosha kawawia, “Ki kiṟehye, ke mba yako nyi yeterewia kipfa kya wandu wa mbaṟi tose. Nanyo mkawuya iihaluo opanga lo wandu wasoki.”

YOHANE 2:15

Nao kalemalema shihowo, shelachwo kawafuna ipfo hekalunyi handu hamu na machondi halya na mbe tsilya tsawo. Na fesa tsa wailachi katsipusuya shi na ipfulwo na shitaṟa (mesa) shawo.