YOHANE 19:31 - Bibilia Kui Mdedie fo Kimochi

³¹ Fuwei mkonu fo katanu nyifo fo kuṟeheṟa fusongoe mkonu fo Sabato, Wayuda wakakoya chi kicha mnying'a iya itsinde kulya msalabehu ili mkonu fo Sabatopfo. Na Sabato iya iwei nyi mkonu sa mnene fo ngoseṟa. Wayuda Wakacha iterewa Pilato mafuo halya ha walya wawambie msalabenyi hahende ifunjofunjo na mbihu yawo isotso-ho.

YOHANE 19:31 ပူးပေါင်းရင်းမြစ်များ

IWUKA 12:16

Mkonu fo kuwoka ipfo konu kochikaapfo kisanzio kiele, na mkonu fo mfungade kochikaa-pfo kisanzio kiele; kochiṟundo kiṟundio kyo kyose kiidi kya mkonuyopfo, shile na iyo sa orio mndu kimbaṟi nalye, ikyo tupu kiwutike konu.

MFANANO 12:10

Mndu mcha nakusaṟa kya moo fo mbe ang'u mburu tsake, Indi isaṟia lya mndu mbicho nyi wuneesi.

MIKA 3:3

Mkalya nyama tsa wandu wako, mkaowuo njonyi tsawo, mkafunja funja mafuo hawo, mkawawehaweha cha nyama tsekoṟa, cha nyama tsewika nungunyi.

MATAYO 27:62

Kyasia ili ngamenyi ya ili lya ngama lyeituma mfiri fulya foṟeheṟa kukasangana wakohanyi walya wanene na Wafarisayo ipfo ko Pilato.

MARIKO 15:42

Nalyo komshika kyukanyi ili kuwei mfiri foṟeheṟa nyi mfiri fusongoe Sabato.

YOHANE 19:1

Kikashika oo Pilato kaanduya Yesu kembawasya nakapo na ngowa tsa shiteecho.

YOHANE 19:14

Nahong'u mkonu fulya fuwei foikuteseheṟa ilya Pasaka saa ya kaṟandaṟu mfiri: Nalyo Pilato kawia Wayuda, “Aichung'u Mangi yanu.”

YOHANE 19:42

Hando napfo wakahenda iṟika-pfo Yesu kipfa kya Mkuteseheṟye fulya fo Wayuda fo Pasaka; na kipfa ili opanga lulya luvewa kufui.

YOSHUA 8:29

Kyasia kamasa mangi ulya o mṟi fulya fo Ai, mdihu mṟasa kyukanyi. Kyasia kiheri mnengeṟi fuweolokia Yoshua kawawasa ke mnying'a fulya fo mangi fusotso kulya mdihu fuhende ikumbo alya mongonyi fung'anyi foida na kulya mṟinyi na huya ya mnying'a fo wasanyie ho maho sa hafoi, na sohuyo ya maho ikeriho mṟasa inu.