YOHANE 19:30 - Bibilia Kui Mdedie fo Kimochi

³⁰ Naho Yesu kekififinda mwinyo fulya futarang'ae kahamba, “Kyamekumarisikyang'u.” Kang'odwo mdo kalekya moo.

YOHANE 19:30 ပူးပေါင်းရင်းမြစ်များ

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

SHIIMBO SHA DAWIDI 22:15

Pfinya tsako tsauma cha kyoho, Olimi loko luwadanyi na mahundu hako; Nyi unjiwikye kilulinyi kya opfu.

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

YESAYA 53:12

Ko ikyo njechimhawia mooko foke hamu na wanene, Nawehawa shicheye shidenyi hamu na walya wai mbahanyi, Kipfa nalereka moo foke itane opfu, Katalio kimu na wadeko. Nalekudika manyamaṟo ha wandu wafoi Na iterewia wadeko.”

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

DANIELI 9:26

Numa ya mfungade iya makumi haṟandaṟu na iwi (62), ulya amshie mafuda nyi echidetso, ma echiwada kindopfo; na wandu wa ulya asonguo wechirumatsa mṟi, na halya haele; ifurumia ho kochiwada mfu, na shida; kipfa kiwi kiikiteṟie.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 27:50

Kyasia Yesu amidima ilaha lya kawi na ṟu ling'anyi-se nalyo kalekya moo.

MATAYO 3:15

Yesu kahaluo kambia, “Ikyo kudee wulalu, nyi wudo kiluwaṟi, kundu luawutsie mbon tsa wusumhanyi tsose.” Nalyo kakumdeea.

MARIKO 15:37

Nao Yesu kakoṟoṟoma na ṟu ling'anyi, kanenuka.

LUKA 22:37

Cha kipfa ngamuwia, ‘Isho shi shii-ṟehie na shikaki na shikae shishike shewutikia iya koko. Nasho nyi ishi, katalio wanyamaṟinyi,’ kipfa isho shinjiwaṟi na shikae shiwutike.”

LUKA 23:46

Na Yesu kalesha ṟu na pfinya kahamba, “Hoi Wande, ngadambika mumuyo foko ipfo mawokonyi hapfo.” Amaa ihamba ado kalekia moo.

YOHANE 10:11

“Mlisi mcha nyio inyi. Ichu ai mlisi mcha nyi nekerekya machondi hake moo.

YOHANE 10:18

Ma kwipfo aifunjisokapfo kya indi nyi ngafulekya kui ikunda lyako njimonyi. Nyi njiwode pfinya ya ifulekya, njiwewode na pfinya ya ifuwada-se. Nyi wudo wande oko alenjiwawasia njiṟunde.”

YOHANE 17:4

Inyi njilekung'anyisha kunu wuyana; ngamwawutsia kuheo kilya unjienengye kyetana.

YOHANE 19:28

Kyasia Yesu kekimanya shose shamemarisikya kya Kirehio kilya Kiele shechihoya nao kahamba, “Njianga.”

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

WAROMA 10:4

Kyamba mtsitsyonyi fo wuwawaso nao Kristo moendie orio mwidiki wuhoṟotsu oshangunyi lo Ruwa.

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

1 WAKORINTO 5:7

Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo.

WAFILIPI 2:8

Awekunyiiṟye amonyi kawewa moidikya itane ashika opfunyi nalo luwei opfu lo msalabenyi.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 9:22

Kala nyi kufui shindo shose shekeilisho na samu woidikya wuwawaso; na shila samu yapusuo kowonyo mhoṟyepfo.