YOHANE 17:24 - Bibilia Kui Mdedie fo Kimochi

²⁴ ‘Hoi Wande! Kya walya ulenjinenga, ngakunda ke wakae handu hamu na inyi ipfo kundo njikeri kundu wawone wuitoṟi wulya kulenjiinenga kui ikunda lyapfo uwenjikundi wokia wuyana wulawemeumbo.

YOHANE 17:24 ပူးပေါင်းရင်းမြစ်များ

MAWOOKIONYI 45:13

Nanyo mochiwia wande oko mbonyi tsa kiṟumi kyako kyose kunu Misri, na kya shose mleshiwona; itikenyi owinyi muende wande oko na kunu.

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:23

Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 26:29

Na inyi ngambia. Kuwokia wulalu njechikinyo-se iki kiwukye kilimunyi kii kya msabibupfo, na njitane ngashika mfiri ili njechinyoya-ho wuhya njii nanyo ipfo wumanginyi wo Wande.”

LUKA 12:37

Nanga wasoṟo walya mndumii owo echiwakooya walee dembo ili echicha; nkya lohi ngamuwia; nyi echikupfunga na iwadamiṟa shelyenyi, natengete kechiwahidia iwainenga shelya.

LUKA 23:43

Nao kambia, “Nkya lohi ngakuwia, Na inu tichi ochiwona kui na inyi kulya Paradiso.”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 14:3

Na ili njihenda imteseheṟya-ho hando, nyi njechiwuya lingi njiche imwondwo na ipfo koko; kundu hando inyi njikeri mpfondo nanyo mochikaa.

YOHANE 15:9

Chando Wande alenjikunda na wudo inyi ngawemkunda nanyo. Kaenyi mukuwode na ikunda lyo lyako.

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

YOHANE 17:22

Inyi njilemmaa iwainengya wuitori wulya ulenjiinenga kundu wawe wamu chandu so lukeri wamu. Inyi njikae nawo na iyo ukae na inyi.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

YOHANE 6:39

Na kilya ichu alenjiduma achilia kikeri kii-le, njiladetseho ma umu o walya alenjiinenga kya indi kundu njiṟutse wose Mfiri fulya fofurumia.

YOHANE 8:58

Yesu kawawia, “Nyi lohi kya lohi ngamuwia, Mandi Abrahamu alawemefeo inyi njiwei-pfo.”

1 WAKORINTO 13:12

Kiheri kya wulalu lushiwonyi cha mfano ya kilolenyi shii mangeṟingesha, indi kiheri kya numa lochishiwona oshangu kui oshangu; kiheri kya wulalu imanya lyako likeri lya mbetesa, kya indi ili numa njechikimanya kyose chando na inyi ngamanyo.

2 WAKORINTO 3:18

Indi so lose lukuilye ngeela ya Mndumii kui oshangu lushikukye loilachyo mfananyie fulya fulya fuitike yengeṟyo ngeela chando kohenda itano nyi Mndumii ai Mumuyo.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 5:8

Indi lukarya na ikundya kya ngoseṟa isama mbihunyi fu na isamya ko Mndumii.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

1WATESALONYIKYE 4:17

Ikyo kilemba naso ili lui-se na moo luitsuhaa lochidao handu hamu na walya lui mapuchinyi lushike kumbuhanana na Mndumii ipfo mumuyohu. Na wudo lochikaa lui hamu na Mndumii maheri hose.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1YOHANE 3:2

Nyo mui wakunde wako, lukeri wana wa Ruwa wulalu. Indi mbika lochikaa nayo ilemewonekye-pfo. Luichi ke iliindi Kristo echicha nyi lochifanana nao, kyamba nyi lochimbona mbuka yake yose.

OTAMBAHALUO LO YOHANE 21:22

Indi mba ya hekalu njileiwona-hopfo, kyamba Mndumii-Ruwa Menyi Pfinya tsose ai hekalu lyawo wo hamu na Kidahina kilya.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.