YOHANE 17:11 - Bibilia Kui Mdedie fo Kimochi

¹¹ Na inyi njikikeri-se kunu wuyanapfo. Nawo na kunu wuyana wakeri. Nao inyi nyi ikucheya na kopfo njii. Hoi Wande Mwele! Waringe wakae na rina lyo lyapfo, ilyo ulenjinenga inyi, kundu nawo wawe wamu chandu naso lui wamu.

YOHANE 17:11 ပူးပေါင်းရင်းမြစ်များ

SHIIMBO SHA DAWIDI 79:9

Ewo Ruwa o okiṟo lodu, kyelutarame, kui kipfa kya kiṟumi kya rina kyapfo. Kyelukiṟe, uluhoṟie njonyamaṟo tsadu; kipfa kya rina lyapfo.

MFANANO 18:10

Rina lya Mndumii nyi omombo lo pfinya; Mndu o wusumhanyi nyekedichya kakaa kipuo.

YESAYA 27:3

Inyi Mndumii njiliringa, Njechililetsia mṟinga orio kiheri, Kulache mndu molinyamaṟa, Kio na mfiri njechiliringa.

YESAYA 64:2

chandu modo fokekoṟa ngeṟa, na modo fokekoṟa mṟinga; kundu nomanyishe wakituwa wapfo rina lyapfo, wandu wa mbaṟi tsose wadedeme oshangunyi lopfo.

YEREMIA 14:21

Kulalukumbe, kui kiṟumi kya rina lyapfo. Kulamine loṟika lo wuchili na wuitoṟi wopfo. Nokumbuo mma fopfo naso, kulafutehie.

YEREMIA 14:7

“Wandu wakahamba; ‘Manya chandu wunyamaṟi wodu woluṟingishia, iyo Mndumii noṟunde kipfa kya rina lyapfo, kipfa wunyamaṟi wodu nyi wufoi mnu wukatana woṟihisha.

EZEKIELI 20:22

Kyaindi njilawute kudo, cha kipfa rina lyako liwewona wasutsu oshangunyi lo mkambo fulya fulenjiwona njewuta wana wa Israeli kulya Misri.

EZEKIELI 20:44

nanyo mochiwutaho imanya ke inyi nyi Mndumii-Ruwa, cha kipfa njechiringa rina lyako, kyamba njechimuwutia chando muwesumhanyi ko mawicho hanu muwewutie pfo manya mkao yanu njiwichopfo, iyo mba ya Israeli, nyi wudo Mndumii-Ruwa ahamba.”

EZEKIELI 20:9

Kyaindi njilakunde iwawutia kudo, kyamba njiwechiendie rina lyako wusutsu kiidi kya wandu walya wawei kiidi kyawo, kipfa njiwemesonguo ihamba oshangunyi lo Waisraeli ke njihenda iwawuta kulya orukenyi lo Misri.’

MATAYO 10:16

“Ambuyenyi inyi njiimduma cha machondi hai kiidi kya makite ha ngeṟenyi Kyasia-ng'u kekaenyiho mui na wuṟango cha njoka mlai na mtambo mui cha mbeta.

MATAYO 5:48

Kyasia, wenyi wandu waholokie wucha, chando na Nde-anuo ipfo ruwehu aholokie wucha!”

MATAYO 6:9

Indi terewenyi mule, ‘Nde-yadu ukeri ipfo ruwehu, Rina lyafo litano yele.

YOHANE 13:1

Mkonu fulya mnene fo Pasaka fulameshika ihoya Yesu amemanya ke kiheri kyake kyamshika nawuke kunu wuyana iwuya ko Wande. Nao msa alewa mokunda iwa wake mandi ai kunu wuyana nyiwudo-ng'u alewaloṟa mkudye foke tane mainukyonyi.

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 14:20

Mkonu fulya ili fochishika ni mochimanya ke inyi njii-mlunge na Wande oko nanyo muiwalunge na inyi, na inyi njii-mlunge nanyo.

YOHANE 16:28

Nyi ipfo ko Wande njiwukye ngacha na kunu wuyana, Wulalu ngada wuyana wu njiwuye na ko Wande chu.”

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:6

“Rina lyi lyapfo lyo njiletambaṟuya wandu wa ulewanjienenga na iwawuta kunu wuyana. Wawei wandu wapfo, na iyo kowanjienenga, nawo nyi wamewada idedo lyo lyapfo.

YOHANE 7:33

Yesu kahamba, “Nyi kiheri sa kyangu njitsinda-se nanyo njihende ko ichu alenjiduma.

MAWUTO HA WASU 3:21

Nao nyi awewaṟi naamnbyo ruwehu itane shiheri shacha shilya shewihiṟa wuhya shindo shose, shilya Ruwa awededye kui dumbu lya waikimbi wake waweiho wokia mawokyony ha wuyana.

WAROMA 12:5

Nyi wudo naso lufoi ludi nyi lukeri mbihu fumu fuu-msanze Kristo-hu, indi kyadu so luikayana shiwungo.

WAROMA 9:17

Kyamba Maṟehyo Maele hahambye kya Farao, “Kitewe ngakuwika mangi nyi kundu njimanyishye kopfo pfinya yako mbode na rina lyako liweongoya ipfo orukenyi kose.”

1 WAKORINTO 1:10

Indi ngamututuma lanye wanawawama kui rina lya Mndumii odu Yesu Kristo ke muwe mochideda kimu mose, ipfo konu kulakae-pfo ndutsano kya indi mukae-ho mui-waṟeheṟye mhie fumu na mdumbuye fumu.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEFESO 4:4

Kwipfo mbihu fumu, kwipfo na Mumuyo fumu chando mui walahie mbedyenyi fumu fo ndaho yanu.

WAFILIPI 2:9

Nkyo kimaduma nao Ruwa amng'anyishye adi kamsumba rina ling'anye orio rina lingi lyose.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 9:24

Kyamba Kristo alawehenda hando haele hai-hawike na mawoko hahambie halya ha lohi kui mfano, kya indi kahenda ruwehu kwenyi nakuloṟe oshangunyi lo Ruwa wulalu echiluhoṟokya-ho so.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1YOHANE 3:12

Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.

OTAMBAHALUO LO YOHANE 15:4

Nyi o ku, hoi Mndumii, alechiowuo alawechiindya rina lyapfo iyo ngesa? Kipfa iyo kumonyi ui Mwele. Kipfa mkambo ya wandu yose yechicha yechikukumba wanda oshangunyi lopfo na ikuhonerya kyamba mawuto hapfo hamanyikie ko wose ipfo ruwehu nyilyo hema liwode kiṟingishyo kilya kehamba Ruwa.”

OTAMBAHALUO LO YOHANE 19:12

Meso hake hai cha olewo lo modo na ipfo mdohu foke aṟee oṟo nchope tsa wuitoṟi tsifoi na rina lii-iṟehye-pfo lyilamanyikye nyi mndu shila nao amonyi.

OTAMBAHALUO LO YOHANE 4:8

Na maṟimu halya haana orio lyimu liwode makungo haṟandaṟu. Naho hawewode meso mbihu rambatanyi na ora lo kya nja na mba. Naho haideda mfiri na kio halaitsa-ho meke foonyonya hechihamba, “Mwele, mwele, mwele nyio Mndumii-Ruwa menyi pfinya tsose. Nyio aweipfo, ai-pfo mokaa echikaa-pfo ai echicha.”