YOHANE 16:30 - Bibilia Kui Mdedie fo Kimochi

³⁰ Wulalu lomanya ke nyi uichi shindo shose ulahuṟi mndu mokuwesa. Nkyo kyaenenga lukaidikya ke nyi ipfo ko Ruwa ucheye.”

YOHANE 16:30 ပူးပေါင်းရင်းမြစ်များ

1WAMANGI 17:24

Mka ulya kawia Elia, “Wulalu ngamanya na pata ke iyo nyi mndu o Ruwa, na ngoseṟa idedo lya Mndumii dumbunyi lyapfo nyi lohi.”

YOHANE 16:17

Nahong'u walya wa kiloshyonyi maata wakawiana wo wenyi na wenyi, “A ikyo aluwia nyi kiki ngesa? Mwaanya sa kitutu nanyo mochinjiwonasepfo na mwaanya sa kitutu na mowuya injiwona? Kawehamba, Njikuhendya ko Wande?”

YOHANE 16:23

Na mkonu fulya fukamshika mochinjiwesa-se kindopfo. Nyi lohi kya lohi ngamuwia, Kokoya moterewa Wande kindo kui rina lyako na kikawa ki nyi echimwenenga.

YOHANE 16:26

Mkonu fo ili fochishika lyong'u mochiterewa kui rina lyako. Ma ngamuwia ke inyi njemuterewya ko Wandepfo.

YOHANE 16:31

Yesu kawahalwo, “Oweṟe lu nyi moidikya?

YOHANE 17:8

Kipfa madedo ha ulenjienenga nyi njilehawaenenga. Nawo wakahaambya; wakawuta-ho imanya ke nyi ipfo kopfo njicheye lohi, wakaidikya ke nyi iyo ulenjiduma.

YOHANE 2:11

Yesu nalewoka iwuta ṟiho i ya kuwoka Kana ya Galilaya. Kaloṟa wuitoṟi woke, na walya wa kiloshyonyi kyake wakamwidikya.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

YOHANE 5:20

Kyamba o Wande nyi akundi Mana, kamloṟa orio kindo aitana amonyi shose. Nao echimloṟa na shetana shing'anyi kota isho mukuwutye-ho iṟihio.

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.