YOHANE 16:27 - Bibilia Kui Mdedie fo Kimochi

²⁷ Kyamba o Wande namukundi nyo amony cha kipfa nyi mulenjikunda mukawenjiidikya ke ipfo ko Ruwa njicheye.

YOHANE 16:27 ပူးပေါင်းရင်းမြစ်များ

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

MATAYO 10:37

Ulya akundi ndee ang'u mae kawakunda kota inyi, nanjiwaṟi-pfo. Na ulya akundi mana o womi anu o waka kawakunda kota inyi nanjiwaṟipfo.

YOHANE 14:21

Mndu akuwode na mawawaso hako kawa moharinga nyio mndu anjikundi. Na mndu anjikundi nyi echikundo nyi Wande oko. Nao inyi njechimkunda na ikuloṟa nao.”

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 16:30

Wulalu lomanya ke nyi uichi shindo shose ulahuṟi mndu mokuwesa. Nkyo kyaenenga lukaidikya ke nyi ipfo ko Ruwa ucheye.”

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

YOHANE 2:11

Yesu nalewoka iwuta ṟiho i ya kuwoka Kana ya Galilaya. Kaloṟa wuitoṟi woke, na walya wa kiloshyonyi kyake wakamwidikya.

YOHANE 3:13

Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

YOHANE 7:29

Inyi njimwichi, kyamba nyi ipfo koke njiwukye nao nyi anjidumye.”

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

1 WAKORINTO 15:47

Mndu o kuwoka awukye terinyi ai teri, mndu o kawi ulya awukye ruwehu.

1 WAKORINTO 16:22

Mndu ma kawa u msa alakundi Mndumii nawiko ṟisenyi. Maranatha.

2 WAKORINTO 5:14

Kyamba kilya kilusanza lomba kimu nyi makunda ha Kristo hakaluinenga ihamba iki, ke kwipfo ichu umu alepfia wose; mpfo kundo wamepfa wose.

WAGALATIA 4:4

Kya indi ilindi kiawutsya maheri kilemcha Ruwa kawemdikya Mana oke kafeo nyi mndu mka kawewiko shi ya mawiko.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

WAEBRANIA 12:6

Kyamba ichu Mndumii amkundi nyi ekemtsana. Kechikapa orio mana aimwambya.”

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

1YOHANE 4:19

So nyi luwode ikunda, kyamba o Ruwa alesonguo ilukunda.

OTAMBAHALUO LO YOHANE 3:19

Iwa njiwakundi nyi njekewatutuma na iwatoṟisha. Aka wulalu udumbuye, wanza mrima lekena na manyamaṟo hapfo.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.