YOHANE 16:25 - Bibilia Kui Mdedie fo Kimochi

²⁵ “Shindo shi ngamededa nanyo njiwemkapya semeṟi. Indi kiheri kikeri icha njilakidedase nanyo njemkapya semeṟi, kya indi njechimwongoya mbonyi tsa Wande na pata.

YOHANE 16:25 ပူးပေါင်းရင်းမြစ်များ

SHIIMBO SHA DAWIDI 49:4

Njechideha kudu koko njiadanyie oṟaayo, Na itambahaluo oṟaayo loko na kinanda kya ndusu.

SHIIMBO SHA DAWIDI 78:2

Njipfunguo dumbu lyako kui shihano, njisende mfanano ya kacha.

MFANANO 1:6

Imanya mfanano na oṟa Ayo na madedo ha wulaanyi na madedo halamanyikie na pata.

EZEKIELI 20:49

Na inyi ngahaluo ngahamba, “Ee Mndumii-Ruwa wandu wa wenjitaluo wechihaluo inyi nyi mndu ulya ekehamba njoṟiyo tupu!”

MARIKO 4:13

Yesu kawawesa, “Momanya ma ifananolipfo, Nyi wuda mochimanya mfanano yo yose?

MARIKO 4:34

Alededa nawo kindo kyosepfo chila kui mfanano tupu, kya indi walya wa kiloshyonyi kyake o kawa mowatambahaluya shose kyanya.

MARIKO 8:32

Yesu kawawia ado na pata. Petro kamduo kyaanya kawoka imdedya.

YOHANE 10:24

Nalyo Wayuda walya wakacha imtengetia wakahamba, “Mtano indi ochiluwika mkeumkeu? Kokoya ukeri Kristo iyo, keluwie-wo na pata ṟaa.”

YOHANE 10:6

Nyifong'u mfanano Yesu alewawia. Nawo walamanye ikyo arie iwawia nkyo iki.

YOHANE 16:12

“Nyi njiwodese shindo shifoi shembia kya indi mulawechishiidima wulalu.

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

YOHANE 16:32

Ambuyenyi kiheri kikeri icha na kilemcha kechitewa muhende irahanyitso orio mndu na koke munjideye-ho njimonyi. Ma ngakaa-ho njimonyipfo kipfa Wande nakeri na inyi.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.