YOHANE 16:24 - Bibilia Kui Mdedie fo Kimochi

²⁴ Mṟasa wulalu mulemeterewe kindo kui rina lyakopfo. Keterewenyi nalyo mochienengo na msiha fonu fuichwo pacha.”

YOHANE 16:24 ပူးပေါင်းရင်းမြစ်များ

MAWOOKIONYI 32:9

Yakobo kahamba, “Hoi Ruwa o ndeako Abrahamu, na Ruwa o ndeako Isaki, Mndumii kulenjiwia, ‘Wuya nohende mṟasa orukenyi lopfo, na ko mbaṟi yapfo, na inyi njechikuwutia mecha.’

1WAMANGI 18:36

Kekishikia kiukanyi kiheri kya kidaso kya kiukanyi, mwikimbi Elia kasembelia, kahamba, “Iyo Mndumii-Ruwa o Abrahamu, na o Isaki na o Israeli, na kimanyike na pata, ke iyo nyio Ruwa kiidi kya Israeli, na ke inyi nyi mṟundi opfo, na ke ngawuta shose kui idedo lyapfo.

2WAMANGI 19:15

Katerewa Mndumii-Ruwa kechihamba, “Hoi Mndumii-Ruwa, Ruwa o Israeli, iyo okekaa kiidi kya loṟika lo wuitoṟi huye ya shiwike shose shiwode makungo, nyi iyo tupu ui Ruwa, uitoṟie mangi tsose tsa wuyana.

MATAYO 6:9

Indi terewenyi mule, ‘Nde-yadu ukeri ipfo ruwehu, Rina lyafo litano yele.

YOHANE 14:1

Yesu kawawia, “Ma mulanenewuke ipfo ngoonyi tsanu. Idikienyi Ruwa muwenjidikya na inyi.

YOHANE 14:14

Kindo moterewa kyakyo kui rina lyako njechimuwutya inyi.

YOHANE 15:11

Ngamemuwia isho kundu msiha fu foko fukae ipfo mrimenyi yanu, na masiha fu fonu fuwe fui na mweena.

YOHANE 16:23

Na mkonu fulya fukamshika mochinjiwesa-se kindopfo. Nyi lohi kya lohi ngamuwia, Kokoya moterewa Wande kindo kui rina lyako na kikawa ki nyi echimwenenga.

YOHANE 3:29

Ichu arie mka moaliko nyio menyi-wali. Indi mbuya ya menyi-wali ichu ahoṟoki oo afui kemwadanya nyi aichihio mnu na sia ing'anyi ili aicho menyi wali kechideda. Nyi wudo sia yako yaichuo pacha.

2WATESALONYIKYE 1:2

Wutonga wukae nanyo na ofoṟo luwukye ko Ruwa Wande odu na ko Mndumii Yesu Kristo.

2YOHANE 1:12

Njiwode shemṟehya shifoi indi njiwekundi ishiende karitasihu kui winopfo, kya indi njikusirye njishike konu ludede dumbu ku dumbu, kundu sia yadu iwelukye welu.