YOHANE 16:22 - Bibilia Kui Mdedie fo Kimochi

²² Nanyo na wudo da, kiheri kya wulalu muisokyo nyi fowa. Indi njechiwonana nanyo lingi, na mrima yanu yechichihio na msiha fu fonu kwipfo mndu eidima imsokasepfo.

YOHANE 16:22 ပူးပေါင်းရင်းမြစ်များ

YOBU 34:29

Kokoya Ruwa atsia, nyiu echiidima imbonyia-owingo? Kaṟika kyamu kyake nyi echimbona.

SHIIMBO SHA DAWIDI 146:2

Njechiṟumisha Mndumii kiheri njii na moo, njechimbia Ruwa oko ili njii na moo.

SHIIMBO SHA DAWIDI 33:21

Kyamba Mrima yadu yechichihiyo kyake; Kipfa lukusirie rina lyake yele.

YESAYA 25:9

Kiidi kya mkonu fo wechihamba, “Ambuya ichu nyio Ruwa odu, nyio luwei imbedia nalutarame; Ichu nyio Mndumii luwei imbedia, Lukaese na ichihiyo kya okiṟo loke.”

YEREMIA 31:12

Wechicha wechiimba ko maṟu huya fumvu lya Sioni, wechiwona kiṟumi huya wucha woko, inyi Mndumii-Ruwa. Ko shilimu sha moo, mvinyo na mafuda njekemuinenga, ko machondi na mmbe da; ohendo lo moo yawo, yechiwa cha mdemi funose, manya fochipooka sepfo.

MATAYO 28:8

Nawo wakakambiṟa ikure owinyi alya opangenyi wawodo nyi wuowu wusanganyi na sia. Wakadicha wakahenda yongoya walya wa kiloshyonyi kyake.

LUKA 10:42

Indi, kindo kiwaṟi nyi kimu tupu; Maria o nyi asangie-ho kiteeno kii kicha, nakyo ekaanakisoko adipfo.”

LUKA 16:25

Abrahamu kahamba, “Manoko, kekumbuo-wo chando iyo kuwei-yambia mecha hapfo lilya mandi uwei na moo orukenyi, na Lasaro kyake kaambia mawawio tupu na wuale, nao wulalu iya nyi aiwihiṟyo moo na iyo kowawiṟo.

LUKA 19:26

‘Na inyi nyi ngamuwia, Orio sa awode echiengeṟa inengo, na ulya alawode, nyi echisoko na kilya awode.

LUKA 24:41

Nawo wakeri wado walameidikia wawodo nyi mkeu-keu fo sia na iṟihio, kawawia, “Muwode kindo kelya ma kida iya?” Nawo wakamneenga ora lo ikunga lu-ukahaṟe.

YOHANE 14:1

Yesu kawawia, “Ma mulanenewuke ipfo ngoonyi tsanu. Idikienyi Ruwa muwenjidikya na inyi.

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

YOHANE 16:16

“Mwaanya sa kitutu nanyo mochinjiwonasepfo, na maanya fungi kitutu na mowuya injiwona.”

YOHANE 16:20

Nyi lohi kya lohi ngamuwia, Kye nyo mochifuha na ikapa kilio na wuyana wu wochichihio. Nyo mochisokyo nyi fowa, kya indi fowa tso tsanu tsikae tsechihaluka msiha mwenyi.

YOHANE 16:6

Indi ili ngamuwia njido nanyo mukaichwo fowa ipfo mrimenyi yanu.

YOHANE 21:7

Nalyo ulya o kiloshyonyi Yesu wakotanyi nao kawia Petro, “Ate nyi Mndumii!” Simon Petro kyekiicho nyi Mndumii kakupfunga nguo ya huye (kyamba aweṟee kidami kya kitsi tupu,) katoolya ipfo mṟingenyi.

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

MAWUTO HA WASU 13:52

Na walya wa kiloshyonyi weichuo sia na Mumuyo Mwele.

MAWUTO HA WASU 16:25

Kya indi kio aa madumbwo hawi Paulo na Sila waweiterewa Ruwa na imwimbya shiimbo shemṟumisha na wapfungo walya wengi waiho wechiadanya.

MAWUTO HA WASU 2:46

Na mfiri yose nyi wawetsindye ipfo hekalunyi wai na ngoo imu wechifunja mkate mba kui mba na yambya shelya shawo na sia na kui ngoo njikesi.

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

2 WAKORINTO 6:10

Lui cha ili lui-walise wukiwa indi luwode nyi sia mkonu yose, lui-ho cha wakiwa indi lichisuṟisha weengi, lui cha walawode ma kindo na lui wenyishose.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

WAEBRANIA 6:18

Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe.

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.