YOHANE 16:14 - Bibilia Kui Mdedie fo Kimochi

¹⁴ O echinjing'anyisha inyi kyamba mbonyi tsi echimwongoya nyi kunu koko inyi echitsiwuta.

YOHANE 16:14 ပူးပေါင်းရင်းမြစ်များ

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

YOHANE 14:21

Mndu akuwode na mawawaso hako kawa moharinga nyio mndu anjikundi. Na mndu anjikundi nyi echikundo nyi Wande oko. Nao inyi njechimkunda na ikuloṟa nao.”

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 7:39

Nakyo nyi alededa kya macheyenyi ha fo Mumuyo Mwele, fulya wandu wamwidikye wekaa wafuambie. Kyamba mandi halya Mumuyo Mwele fulawemsoke kipfa Yesu alawemeng'anyisho.

1 WAKORINTO 12:3

Nkyo kimaduma ngammanyishya ke kulaipfo modeda awodo nyi Mumuyo o Ruwa awechihamba Yesu naseso, na kulaipfo aidima ihamba, Yesu ai Mndumii shile awodo nyi Mumuyo Mwele.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAGALATIA 5:5

Kipfa so ili lui wawanze nyi Mumuyo nyi luiweda luhedesumhantso nalyo lyechiwa lukuwode na Kristo.

1PETRO 2:7

Wulalu kyanu nyo mui waidiki nyi lya wuhuru wung'anyi, nyi wuindi, indi walya walaidikye kyawo, “Nyi lyo iho wewika mba walelileha nalyo lyamba iho lisonguo ipfo ndumbenyi.

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

1YOHANE 5:6

Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.