YOHANE 16:13 - Bibilia Kui Mdedie fo Kimochi

¹³ Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

YOHANE 16:13 ပူးပေါင်းရင်းမြစ်များ

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YOELI 2:28

“Kyasia kuwode kiheri kiicha, mkonu njechipusuya mumuyo foko huya wandu wose. Kiheri kyo wana wanu wakika na wakisoṟo wechiwuta wuiikimbi, na wameku wanu wechiilodia ndodo, na wanake wanu wechiwona ndodo.

YOHANE 12:49

Kipfa inyi kilya njilededa chi koko inyi kiwukye-hopfo. Nyi Wande-chu oko ichu alenjiduma o anjinengye iwawaso lya kindo kyededa na ihamba.

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 16:12

“Nyi njiwodese shindo shifoi shembia kya indi mulawechishiidima wulalu.

YOHANE 3:32

Nao nekehamba kilya alekiwona na ikiicho na kiṟingishyo kyo kyake nyi

YOHANE 8:38

Inyi kilya njiwonyi ipfo ko Wande nkyo njikeri ihamba. Nanyo kilya momicho kiwukye ko ndeanu nkyo muiwuta.”

MAWUTO HA WASU 11:28

Kukahoṟoka umu-ho owo, rina lyake ewio nyi Agabo, kaloṟa kui pfinya ya Mumuyo Mwele ke nyi kuicha njaa sa ing'anyi ikiṟe idung'ana wuyana wose. Nayo nyi yeshika mafiri halya ha Kaisari Klaudio.

MAWUTO HA WASU 20:23

Shile nyi Mumuyo Mwele awa mombia mṟinyi kui mṟi kehamba ke nyi shiwoho shikeri injiweda-pfo na shiwira.

MAWUTO HA WASU 27:24

Nao kanjiwia, ‘Ma kulaowuo Paulo! Nyi kikuwaṟi ihenda hoṟoka oshangunyi lo Kaisari. Kingi-se ambuya Ruwa amemaa ikuenenga wandu wa wai kyaṟonyi kimu na iyo wose.’

2WATESALONYIKYE 2:12

Kundu wawonyo owingo wose iwo walaleidikya kii-lohi kilya; kya indi wawechihiana na wunyamari wulya.

2WATESALONYIKYE 2:3

Kulakaeho echimlemba ma kui njia ii ang'u, ii. Kipfa kwipfo kisonguo nalyo nyi iwuka siṟinyi lilya ling'anyi na ulya mbicho menyi wunyamaṟi nawekuloṟa, nyio mana o orumatso.

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

1YOHANE 2:20

Nanyo mshimbuo nyi fonu ifu fuwukye ko ichu ai mwele mukaṟanguo mui waichi mose.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1YOHANE 5:6

Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

OTAMBAHALUO LO YOHANE 1:1

A ilu otambahaluo lo Yesu Kristo. Ruwa aleluinenga Kristo loloṟa masinga hake shilya shii-shiteṟye shewutika matika ha afui. Kristo kaduma ndumi ya malaika oke mwele kashiwonesya isinga lyake Yohane.

OTAMBAHALUO LO YOHANE 1:19

Wulalu ṟehya ishi omeshiwona na ishi shikeri-ho na ishi shingi shechiwa ishi shii-ho shikamesia.