YOHANE 15:20 - Bibilia Kui Mdedie fo Kimochi

²⁰ Kumbuonyi shilya njilemuwia: Kuipfo mndu isinga ang'anye menyi olyopfo. Komkoya nyi walenjiterengya inyi, nanyo na wudo wechimuterengya. Kukoye waweringa madedo hako na iho hanu nyi wechiharinga-da.

YOHANE 15:20 ပူးပေါင်းရင်းမြစ်များ

EZEKIELI 3:7

Kyaindi wana wo wa Israeli, wechikuadanyia pfo kyamba ma inyi njimonyi wechinjiadanyia pfo. Wanawo wa Israeli nyi wawode mrima injiumu wakawewa waminyi.

MATAYO 10:24

Molosho neida moloshapfo, ma isinga lyekaa huye ya Mndumii olyopfo.

MARIKO 10:39

Wakambia, “Na loidima.” Yesu kawawia, “Kirahu ikyo njechinyo inyi, nanyo mochinyo, na mochipatiso chandu inyi njilepatiso.

LUKA 2:34

Na Simeon kawawikia mboṟa, kawia mae oke Maria, “Ichu nyi ambike mohutsa na iira wafoi wa wana wa Israeli; nawewa kichano kyechidedo-dedo wokaṟuo.

LUKA 6:40

Molosho naidye momloshapfo; kyaindi orio mndu ainutsie shose nyi eching'ang'ana na mlosha oke.

YOHANE 10:31

Nalyo Wayuda walya wakawuya yende maho wamkape naho.

YOHANE 11:57

Na wakohanyi walya wang'anyi na Wafarisayo wo wakawawasa na pata wehamba, “Kokoya mndu ammanya kundo Yesu akeri naende mbonyi kundu wakoye imbada.”

YOHANE 13:16

Nyi lohi kya lohi ngamuwia. Kwipfo mndu isinga ang'anye mndumii olyopfo, manya mndu ai mdume ang'anye ulya alemdumapfo.

YOHANE 5:16

Nakyo kikaenenga Wayuda wakawa weṟinjawya Yesu wakapfula meeke fombaha cha kipfa lya alewuta ado mkonu fo Sabato.

YOHANE 7:32

Wafarisayo wakaicho wandu waideda kya Yesu shiwehewehe shidi naho wakohanyi walya wang'anyi na Wafarisayo wakasangana wakaduma wasoṟo wawo wahende imbada.

YOHANE 8:51

Nyi lohi kya lohi ngamuwia, Mndu awada madedoho hako echipfa ma indiipfo.”

YOHANE 8:52

Wayuda walya wakambia, “Wulalu lomanyang'u ke uwodo oṟuṟe! Abrahamu nalepfa na waikimbi wakawepfo da; na iyo kohamba, ‘Ichu echikuwada na idedo lyapfo echipfa ma indipfo.

YOHANE 8:59

Nahong'u Wayuda walya wakaira maho wamkumbye. Nao Yesu kasheṟuka kawuka ipfo hekalunyi.

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

1 WAKORINTO 4:12

Luiwina lochiluya moo kui maṟunda ha mawoko hadu luwenyi. Hando lohenda irumo nyi lowika-ho ona, hando lohenda iterengyo nyi lokutirisia.

2 WAKORINTO 4:9

Loterengyo kya indi luladeo luwenyi; lukumbo wanda kya indi luladumbuka.

1WATESALONYIKYE 2:15

Nawo nyi wo walewaha Mndumii Yesu na waikimbi walya wakawelufuna naso. Wo waindya Ruwapfo, wawode tumbe na wandu wose.

2TIMOTEO 3:12

Na wudo na iwa waitambahanye moo kui wuindi woindia Ruwa wo Kristo-hu Yesu wechiterengyo wose.

1SAMWELI 8:7

Mndumii-Ruwa kambia, “Adanyia orio kindo wandu waikuwia; kyamba wamekuleha iyopfo, sile wanjileha inyi njilawe mangi yawo.