YOHANE 15:19 - Bibilia Kui Mdedie fo Kimochi

¹⁹ Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 15:19 ပူးပေါင်းရင်းမြစ်များ

MATAYO 10:22

Nanyo muwe nyi mochisukya wandu wose kipfa kya rina lyako. Kya indi ichu mokarishya-ho kaweda kushike ili masiyonyi echikiṟo.

MATAYO 24:9

Nalyo wahende imdambika wamiitse shiwirenyi na imbaha wawembaha. Nanyo mukoe musuikyo ko wandu wa masanga hose kipfa kya rina lyako.

LUKA 6:32

Aka nanyo mukakunda walya wamkundi tupu, nyi wucha wuhya muwode? Kipfa ma wadeko na wakundi walya wawakundi-wo.

YOHANE 13:18

“Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 6:70

Yesu kawahalwo, “A chio inyi njilemusambuṟa nyo ikumi na wawi? Na ipfo kiidi kyanu umuho kawuya iwa mkumbi?”

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

1PETRO 4:3

Kyamba kiheri kyashika na kamu iki kilemsia mandi muweiwuta shindo shilya wandu walaichi Ruwa wakundi. Muwehendekye kui wulala, na wumeluki, na wunanzi na wukuwu wo mlie na wo mnyoe na wuindi woindya maruwa ha wongo wutahachie wudi.

1YOHANE 3:12

Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.

OTAMBAHALUO LO YOHANE 12:17

Na molyimo fu fukarihinyikya mka chu nyashi fukahenda yamtsa shida na walya wengi wa kipaṟika ka mkachu, nyiwo wahendelie mawawaso ha Ruwa waitika iṟingishya kiilohi kya Yesu.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.