YOHANE 15:15 - Bibilia Kui Mdedie fo Kimochi

¹⁵ Chi njikimhamba-se masingapfo kipfa mndu isinga o amanya kindo menyi olyo awutapfo. Nyi ngammaa imsenda nyo mui mbuya cha kipfa isho njileicho shiwuka ko Wande chu oko nsho njilemuinenga shose.

YOHANE 15:15 ပူးပေါင်းရင်းမြစ်များ

SHIIMBO SHA DAWIDI 25:14

Kiṟike kya Mndumii kii ko walya wamwowoe, Nao nechiwamanyishia mkundana foke.

MFANANO 18:24

Mosanya wambuya wafoi nyi odetso loke amonyi; Indi kuwode mbuya ekeoshana na mndu kota manomae.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

LUKA 10:23

Kaindukia walya wa kiloshionyi kyake kyaanya kahamba, “Wungusu walya meso hawo hechiwona isho nyo muwonyi.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 13:16

Nyi lohi kya lohi ngamuwia. Kwipfo mndu isinga ang'anye mndumii olyopfo, manya mndu ai mdume ang'anye ulya alemdumapfo.

YOHANE 15:20

Kumbuonyi shilya njilemuwia: Kuipfo mndu isinga ang'anye menyi olyopfo. Komkoya nyi walenjiterengya inyi, nanyo na wudo wechimuterengya. Kukoye waweringa madedo hako na iho hanu nyi wechiharinga-da.

YOHANE 16:12

“Nyi njiwodese shindo shifoi shembia kya indi mulawechishiidima wulalu.

YOHANE 17:26

Inyi njilewamanyishia rina lyi lyapfo na njechikaa njechiwuta njido, kundu ikunda lyapfo uliwode koko fuwakaye ipfo mrimenyi yawo, na inyi njikae njimlunge nawo.’”

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

YOHANE 4:19

Mka ulya kambia, “Hoi Mndumii, njiwonyi iyo nyi ukeri mwikimbi.

YOHANE 8:26

Njiwode shifoi shededa kyanu na idumbwo kyanu. Kya indi ichu alenjiduma akeri menyi-wukilohi, na inyi shilya njileicho shiwuka koke nsho njiiwia wa wuyana.”

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

WAROMA 7:15

Njiichi kindo njiwuta-pfo; kyamba kilya njikundi njiikiwutapfo kya indi kilya njisuo nkyo njekekiwuta.

1 WAKORINTO 2:16

Kyamba nyi o ku aichi mhie ya Mndumii awechimloṟa njia. Indi so lui na mhie fo Kristo.

WAGALATIA 4:6

Indi ili mui wana kawemdikya mumuyo fo Mana oke ipfo ngoonyi tsanu kemfuhia, hoi Aba, hoi Wande!

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAEFESO 3:5

Kilya kilawemanyishyo wandu marika halya ha kacha indi wulalu Ruwa kamanyishia wasu wake waele na waikimbi kui Mumuyo.

WAKOLOSE 1:26

Kyo kyama kikoome kiwei kiowishe wandu wokia kacha, indi kikawewonesio wandu wake wulalu.

FILEMONYI 1:16

Alakeri-se cha isinga, kya indi nawe cha kota isinga, nyi manowama odu mkunde. Kanjiwia kiira king'anyi mnu ado inyi; kopfo iyo nechikuwiia mcha ngoseṟa cha isinga kui mbihu na kui Mndumii-hu.

YAKOBO 1:1

Inyi Yakobo njii isinga lya Ruwa na lya Mndumii Yesu Kristo ngaiṟikiṟa njoshari tsilya ikumi na tsiwi tsilee wahenunyi.

YAKOBO 2:23

Kukashika iinutsyo-ho kilya ki-kiṟehye kehamba, Abrahamu aweidikye Ruwa nakyo kilemsendyo kya wusumhanyi kalaho mbuya ya Ruwa.

1PETRO 1:11

Nyi waweihana-hana ke kiheri nyi iki na lya iindi Mumuyo ichu o Kristo awei nawo alimanyishye-ho ilindi awesonguo iṟingishya mawawyo halya hehoya Kristo na mawusuṟi kiṟumi kilya kechiitumana naho.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

OTAMBAHALUO LO YOHANE 1:1

A ilu otambahaluo lo Yesu Kristo. Ruwa aleluinenga Kristo loloṟa masinga hake shilya shii-shiteṟye shewutika matika ha afui. Kristo kaduma ndumi ya malaika oke mwele kashiwonesya isinga lyake Yohane.