YOHANE 14:31 - Bibilia Kui Mdedie fo Kimochi

³¹ Kya indi kundu wuyana wu wuhende imanya ke njikundi Wande na chando Wande wuhende imanya ke njikundi Wande na chando Wande alenjiwawasa nyi wudo njiwuta. Kurenying'u luwuke aa luhende.”

YOHANE 14:31 ပူးပေါင်းရင်းမြစ်များ

SHIIMBO SHA DAWIDI 40:8

Iwuta shilya ukundi, Hoi Ruwa oko, iyo sia yako; Ee mawawaso hapfo hai mrimenyi foko.

YESAYA 50:5

Mndumii-Ruwa ameṟuhusuo kudu koko, ma njilawade mtolo, ma njilawuye numa.

MATAYO 26:39

Kahenda-henda sa hatutu kaho wanda na kyamu kechiterewa kahamba, “Hoi Wande, kokoya na kechiku Ṟwia kirahu ki kiide mbele yako kinjihyame. Kya indi ma kilawe nyi chando inyi ngakunda indi kiwe chando okunda iyo.”

MATAYO 26:46

Kekurenyi luhende. Mndu monjidambika-ho amcha.”

LUKA 12:50

Kyaindi njiwode wupatiso woko njipatiso nawo, na chando wunjikoṟoma, na mtano wumarisike.

YOHANE 10:18

Ma kwipfo aifunjisokapfo kya indi nyi ngafulekya kui ikunda lyako njimonyi. Nyi njiwode pfinya ya ifulekya, njiwewode na pfinya ya ifuwada-se. Nyi wudo wande oko alenjiwawasia njiṟunde.”

YOHANE 12:27

“Wulalu mrima foko fotautau, na inyi njihambe njida? ‘Ngesa njihambe,’ Hoi Wande, njiletsa na saa ii ikeri-ho? Kya indi kimaduma ngakoya saa ii nyikyo ikyo.

YOHANE 12:49

Kipfa inyi kilya njilededa chi koko inyi kiwukye-hopfo. Nyi Wande-chu oko ichu alenjiduma o anjinengye iwawaso lya kindo kyededa na ihamba.

YOHANE 13:1

Mkonu fulya mnene fo Pasaka fulameshika ihoya Yesu amemanya ke kiheri kyake kyamshika nawuke kunu wuyana iwuya ko Wande. Nao msa alewa mokunda iwa wake mandi ai kunu wuyana nyiwudo-ng'u alewaloṟa mkudye foke tane mainukyonyi.

YOHANE 15:9

Chando Wande alenjikunda na wudo inyi ngawemkunda nanyo. Kaenyi mukuwode na ikunda lyo lyako.

YOHANE 18:11

Kyasia Yesu kawia Petro, “Kewihiṟa oshu lu na ipfo kiṟandenyi. Alewo! Kirahu ki Wande anjinengye alewo nyi ohamba njide njilanyo ngesa?”

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

WAFILIPI 2:8

Awekunyiiṟye amonyi kawewa moidikya itane ashika opfunyi nalo luwei opfu lo msalabenyi.