YOHANE 14:3 - Bibilia Kui Mdedie fo Kimochi

³ Na ili njihenda imteseheṟya-ho hando, nyi njechiwuya lingi njiche imwondwo na ipfo koko; kundu hando inyi njikeri mpfondo nanyo mochikaa.

YOHANE 14:3 ပူးပေါင်းရင်းမြစ်များ

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 14:28

Nyi muleicho njechimuwia ke njihenda; na iwuya njechiwuya na konu. Ukoye muwenjikundi nyi muwechichihio ili njihenda ko Wande kipfa o nanjing'anyi inyi.

YOHANE 14:4

Na kundu njihenda njia yeshikapfo muichi.”

YOHANE 17:24

‘Hoi Wande! Kya walya ulenjinenga, ngakunda ke wakae handu hamu na inyi ipfo kundo njikeri kundu wawone wuitoṟi wulya kulenjiinenga kui ikunda lyapfo uwenjikundi wokia wuyana wulawemeumbo.

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

WAROMA 8:17

Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

2WATESALONYIKYE 1:12

Kundu rina lya Mndumii odu Yesu likuwutie konu iichiko, nanyo muweichiko lyiwukie koke kisumhanye wutonga wo Ruwa na wo Mndumii Yesu Kristo.

2TIMOTEO 2:12

“Kokoya lokutirisia hamu nao, na itoṟya lochiitoṟia da kimu nao. Kokoya so lomkana nao echilukana so da.”

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.